«وداع شهزاده علی اکبر زبانحال ام لیلا»
محمد علی مصیبی تبریزی
الوداع ای تاجدار آل حیدر الوداع
ای سلیل مرتضی شبه پیمبر الوداع
معنی امّن یجیبیدون آنان لیلایه سن
سسلنورالان همان لیلای مضطر الوداع
یرمی دوردایل سرو قدون سینم اوسته بسله دیم
سیندیران ای قامت لیلانی آخر الوداع
حلقۀ زلفون ائدن لیلالری حلقه به گوش
ای کمان قاشلار همان آشفته تللر الوداع
اذن وئرسن بیر دولانّام باشیوه پروانه وار
آتش هجرینده قوی یانسون بو مادر الوداع
شیر سینمدن اولوبسان بیشه لرشیری اوغول
امدیقون صودلرحلالین اولسون اکبر الوداع
تئز اثر ایلر اگر ائتسه آنا اوغلون دعا
بو دعایه چون دیئر آمین ملکلر الوداع
باشیوین گلسون قاداسی کاش لیلا جانینه
لیلی صولسون اولماسین بولاله پرپرالوداع
من اوغول سندنصورا بیرقاره ساللام باشیمه
سسلرم هرروز و شب هجرینده یکسر الوداع
هرگولون صولماقی گولشنده چتیندوربلبله
بعدِ گول بلبل گولنمز بار دیگر الوداع
سیندیرانماز کشتی قرآنی سیل کوفیان
چون علی نین قانی دور قرآنه لنگر،الوداع
یاز«مُصَیِّـب»اولدی مجنون،لیلیِ خانه خراب
دویدی جاندان ائتدی ازبس دیلده ازبر الوداع
#اکبریه_شهادت #اکبریه
#الوداع_ای_تاجدار_آل_حیدر_الوداع
#مصیبی_تبریزی
#ترکی
✍️ #زبدةالاشعار ✍️
?: @nohe_torki
نظر دهید