وداع حضرت قاسم ابن الحسن(ع)
.
✍️زبدة الاشعار✍️
?: @nohe_torki
.
حاج مجید امینی تبریزی
.
غصّه دن لاله کیمی دوندی اورک قانه عمو
اذن ویر عزم ایلیوم جانب میدانه عمو
.
.
بیر گلم شاخ محبّتده منی دردی آنام
قلبوون گوردی بو چولده دولی دور دردی آنام
مقدمونده سنه قربان منی گوندردی آنام
سنده رغبت ایله بو تحفۀ ارزانه عمو
.
.
من گلستان وفاده عمو نوخیز گلم
خاطریم غمله دولوبدور داخی مشکلدی گولم
اولماقا یوخسا فدا من سنه لایق دگولم
گل قبول ایت منی قوی منّتینی جانه عمو
.
.
عشق قربانگهیدور منده فدای ره غشق
یوسف عصرم و بو کرب و بلادور چه عشق
باتماقا قانیمه ایتسه منی ماذون شه عشق
افتخاریم اولی بو عالم امکانه عمو
.
.
من باخوم اکبروی دوغراسون اشرار عرب
شدّت درد و بلادن سنه گوندوز اولا شب
گوره یوخ دادرسون آغلیه عمّم زینب
قاسمین صبری نجه گیتمیه تالانه عمو
.
.
من باخوم خیردا اوشاقلار سوسوزوندان یانالار
آتش غمده اورکلر دوتوب اود اودلانالار
اکبرین نعشینه یکسر دوشنوبلر آنالار
مثل بلبلدی قونوبلار گل خندانه عمو
.
.
اولما راضی دوشوم اکبردن اوزاقه منی سن
خیمه ده سالدی آنام بوینوما شوقیله کفن
اکبرین قانینه بو چولده قاتام قانیمی من
اولا همناله آنام لیلی نالانه عمو
.
.
عالمی دوتسا قوشون ایلمرم ذرّه جه باک
اذن ویرسن ایدرم لشکر کفّاری هلاک
ورسالار جسمیمه اوخ حاشَ ایدم سینمی چاک
خوشدور آماج اولونام خنجر و پیکانه عمو
.
.
قاسمین خاطر ناشادینی مغموم ایلمه
قوی گیدوم رزمگهه قلبیمی مهموم ایلمه
گلمیشم درگهوه سن منی محروم ایلمه
سال یولا قویما گلوم ناله و افغانه عمو
.
.
اذن ویرسن منه بو لشکریله جنگ ایدرم
آل سفیانه بو دنیا یوزونی تنگ ایدرم
پوزارام کفری، علی آدینی پر رنگ ایدرم
عشق ایده قائل اولانلار شه مردانه عمو
.
.
سن که آگهسن اوزون منده علی غیرتی وار
اولسا هر کیم علوی عزّتی وار شوکتی وار
سخاروق دشمنی چون بیزده علی قدرتی وار
خوش اولار که یتوره عشق او سلطانه عمو
.
.
ایستورم بلکه ایدم لیلیه همدم آنامی
یاره دگسه دیموشم باغلاماسونلار یارامی
مائلم اُلماقیما، ایستوری گوگلوم بابامی
میزباندور بو گجه من کیمی مهمانه عمو
.
.
نوکروندور بو #امینی ویر اونون اجرین اوزون
گلسه هر یرده آدون دولدورار اشکیله گوزون
اونا بیر دفعه بویور یاز که قبولیمدی سوزون
سنون عشقون ایلیوبدور اونی دیوانه عمو
.
.
#سبک_یارالی_جان_یارالی (بیش از 4 سبک شامل سبکهای کربلا منتظر ماست … شهریاریمسن آقا …. )
.
#قاسمیه_شهادت
#غصه_دن_لاله_کیمی_دوندی_اورک_قانه_عمو
#مجید_امینی
#ترکی
.
✍️ #زبدةالاشعار ✍️
?: @nohe_torki
نظر دهید