وصیت حضرت زهرا(س) با حضرت علی (ع)
.
.
محمد قربانی
.
.
آز قالور یتسون دم فرقت عم اوغلی یاعلی
گل دویونجا ایلیاخ صحبت عم اوغلی یاعلی
.
.
باشیم اوسته گل اوتور ای محرم اسرار حق
درمیشم باغ وصالوندن سنون گل بیر طبق
بو کتاب عمرومی سنله ائدیم بیر بیر ورق
باغلانور پرونده الفت عم اوغلی یاعلی
.
.
عالم عشقونده کی عشقین وار آیری لذتی
کیم دادا بو لذتی اولماز بهشته رغبتی
سن اولان یرده بهشتون نه صفا و نزهتی
کل ما فیهایه سن زینت عم اوغلی یاعلی
.
.
من سنون عشقونله مستم عاشق مستانه تک
نوش ایتدیم هر بلانی بیر شیرین پیمانه تک
پشت درده کول اولوب یاندیم پر پروانه تک
یانماق اولدی چون منه قسمت عم اوغلی یاعلی
.
.
کیم ائده بیر عمرحق درگاهینه راز و نیاز
بی ولای مرتضی الله قبول ائتمز نماز
سنله ایلیوبدور خدا اوز طاعتینده هم طراز
ایتمیشم بو عشقیله طاعت عم اوغلی یاعلی
.
.
تک آدون خلد برینیندور اولان پیرایه سی
شانیوی تعریف ائدوب قرآنون هر بیر آیه سی
عشقیوی زهرا بولر ئوز قلبینین سرمایه سی
وصفه گلمز بیر بئله ثروت عم اوغلی یاعلی
.
.
هر ایاقدا یوخ لیاقت طی ایده حق جاده سین
امتحانین گوستروب زهرا مهم و ساده سین
سسلدیم من یا علی چکدیم باشا غم باده سین
اولموشام مست می وحدت عم اوغلی یاعلی
.
.
گل گذشت ائله منی یوخ منده یارای قیام
سن امامیمسن سنه واجبدی ائتماق احترام
عفو ائله زهرای یوخ تابیم ایاق اوسته دورام
غصه لر الدن آلوب طاقت عم اوغلی یاعلی
.
.
قلبیوی تیر بلا الله گوروم کی دئلمسین
کیم بیزی درده سالوب عالم بویی دینجلمسین
حقیوی الدن آلانلار قبریم اوسته گلمسین
گورمدیم بو قومیدن رأفت عم اوغلی یاعلی
.
.
ای (وصال) ایله ولایتله اوزون دائم قرین
بو ولایتدور اولان عالمده بیر حصن حصین
وار گوزوم زهرا خانم محشرده بیرجه سویلسین
وئر وصاله یاخشی بیر اجرت عم اوغلی یاعلی
.
.
#فاطمیه #فاطمیه_شهادت #ترکی #وصال_تبریزی #زبدةالاشعار
نظر دهید