الیمده خامه محنت اثر گوزوم پر آب #فاطمیه_خوندل_تبریزی

زبانحال حضرت علی (ع) در فراق حضرت زهرا (س)
.
.
مرحوم خوندل تبریزی
.
.
الیمده خامۀ محنت اثر گوزوم پر آب
اسیر ایدوب منی وار یازماقا قلمده شتاب
.
ندور غرض هله تصمیم یوخدی منده ولی
اورکده لرزش محسوس واردی چون سیماب
.
علی آدیله گرک باشلیام بو مطلبی من
دگل نه چونکه علی خاطراتی جز اعجاب
.
یازولّا غزوۀ صفّین ده علی بیر گون
تمام لشگرینی جمع ایدوب ایدوبدی خطاب
.
بو نیّتیله گیده غم غباری یوزلردن
بویوردی جملۀ افرادی ایلسونله خضاب
.
قیافه لر اولا شاداب چهره لر خندان
اطاعت ایلدی امر امامیدن اصحاب
.
فریضه بولدوله مولانین امرینی افراد
اولا مقابل دشمنده چهره لر شاداب
.
هامی خضاب ایلدی اوز محاسنین اولسون
اطاعت امر شه دینه یا اولوالالباب
.
باخوب گوروبله امام ایتمیوب خضاب امّا
همان او حالیله وار شهریار عرش قباب
.
همان قیافۀ سابقدی چهرۀ محزون
دوشوبله حیرته بو ماجراده شیخیله شاب
.
تعجّب ایتدیله عکس قضیّه دن اصحاب
سوروشدولار ندی عنوان ترک استحباب
.
نیه سوروشدولا من بولمورم بولوردی اولار
امامه ظاهریدی عالم ظهور و غیاب
.
تمام ایشلری حجّتدی حجّة اللّهون
بولوردولر ندی مطلب ز راه استصحاب
.
سؤال ایدنلره تا مطلبی ایده روشن
کمال حزنیله اول شهریار ویردی جواب
.
بویوردی سیز منیله ایتمیون قیاس اوزوزی
مقام عیش منه قویمیوب جهان خراب
.
ئولنده فاطمه مندن گیدوبدی ذوق و صفا
شرار هجری یانان قلبیمی ایدوبدی کباب
.
قالوبدی غصّه و غم ارث مرگ زهرادن
او گیتدی مندن ایدوب قطع رابطه احباب
.
نه بیر گلوب گیدن اولدی نه حالیمی سوروشان
اولوبدی لیلۀ یلدا منه شب مهتاب
.
تاپاندا گوشۀ خلوت اوزوم تک و تنها
آخار عذاره گوزوم یاشی دیده دن چو سحاب
.
منه نه فایده عیش و صفای عالمدن
بتولین آیریلیقی ایلیوب بیله ایجاب
.
نه گلشن و گله نه گلستانه وار نظریم
صفالی گللّریمون گوز یاشی آخار چو گلاب
.
باخاندا زینب و کلثومه آغلارام یانّام
ملال و غصّه مه عالمده یوخدی حدّ و حساب
.
حسینیله حسنین گل یوزی سولوب سارالیب
غبار غم اولاریندا چکوب یوزونده نقاب
.
منیمده ظاهراً عمریم گونی غروب ایلدی
او گونکه بستری زهرانین اولدی تیره تراب
.
او عصمتین گونونون پرتو جمالیندن
ایشقلاناردی نمازه دوران زمان محراب
.
آلاندا دشمن الیندن منی اولوب مجروح
اولار شهادت زهرایه اولدی فتح الباب
.
ایله سولوب سارالیب آفت خزانیله
یوزینده قالمیب آثار عنفوان شباب
.
لطیف قلبینی قان ایلمیشدی غصّه و غم
یاناردی عارضه گوزدن توکردی گوهر ناب
.
ایله یورولدی ایله تنگه گلدی دنیاده
گونوز نه راحت اولاردی ایدردی نه گجه خواب
.
فریضه دن صورا هر گون دییردی حسرتیله
وفاتیمی یاخین ایت یا مسبّب الاسباب
.
بتولین اولدی دعاسی اجابته مقرون
او وقت اولوب که اولا قطع گوزده کی سیلاب
.
ولایت اوسته مریض اولدی گیتدی دنیادن
منه او باب مصیبتدن آچدی مین ابواب
.
طنین اولاندا خلّوا خطابی مسجدده
او باعث اولدی قولوم دان آچیلدی بند و طناب
.
منی قلجلارین آلتیندان ایلدی آزاد
کمال همّتیله یادگار ختم مآب
.
منیمده اولدی او گوندن گونوم قرا گجه تک
او ماه عصمته چکدی تراب تیره حجاب
.
گر اولمییدی که دین اقتضا ایدر حاشا
قبول امر ایلیدیم دگل بیر امر صواب
.
نه بو خلافته من راضیم نه دنیایه
جهان و اهل جهان روحی مه ویرولّه عذاب
.
علی حکومتی امنیّت و عدالت اولار
نه جور و ظلم و خشونت نه وحشت و ارعاب
.
عراق سهلیدی دنیانین حکومتین ویره لر
قبول ایلمرم اولمارام بو امره مجاب
.
اولار معاویه نین شأنی نه برازنده
اونون گوزونده مساوی اولار گناه و ثواب
.
او آنلاماز که حقیقت ندور مجاز ندور
اونا تفاوتی یوخ اولسا آب یا که سراب
.
حکومتیمده منیم اولسا بیر نفر مظلوم
جزا گونونده یوخوم دور او ظلمه طاقت و تاب
.
اگر اولا بیرینون حقّی پایمال منیم
حکومتیمده قالار روز محشره بو عقاب
.
محالی دور اولا بیر مور مندن آزرده
ولو یازا منه دنیا حکومتین کتّاب
.
گرک او گونده اولام من جوابگو ناچار
او گون جزا گونودی اوندا قطع اولار انساب
.
((تخلص))
.
قیامتین عطشین گورمسن یقین «خوندل‌»
علی گر ایتسه سنی جام عشقیدن سیراب
.
سنونده نور اولاجاخ پیش پایوه عملون
طلوع ایدنده رخ آفتاب عالمتاب
.
عمللّرون اگر اخلاصیله اولا قهراً
گذشت ایدر گنهون اولسا خالق وهّاب
.
نه شاعرم که ایدم تکیه یازدیقیم شعره
نه صافیم نه حسینی نه ده یتیم نه شهاب
.
اگر بو درگهه بیر ریزه خوار اولار او منم
منیم الیمده نه دیوان شعر وار نه کتاب
.
.

#فاطمیه #فاطمیه_شهادت #ترکی #خوندل_تبریزی #زبدةالاشعار