زبانحال حضرت اباعبدالله الحسین (ع) در بالین حضرت ابوالفضل العباس (ع)
.
زبدة الاشعار
?: @nohe_torki
.
مرحوم سعدی زمان
.
ال تاپدیلا شام اهلی بو چولده سنه قارداش
بوندان صورا وای زینبه ای وای منه قارداش
.
.
حالیم سنه واضحدی بو بیر کلمه سوزیمده
گرچه گلورم من سنون آردونجا اوزیمده
امّا بو گونون عصری مجسّمدی گوزیمده
زینب نجه مقهور اولاجاق دشمنه قارداش
.
.
بو یوزدی و یا آیدی و یا مهر و شفق دور ؟ (1)
بوجسمیدی یا دفتر غم کتب سبق دور؟
هر عضوه باخاندا گورورم نچه ورق دور
خندان گله بنزور داغیلوب دامنه قارداش
.
.
دوندردی غمون گلشن اسلامی خزانه
بلبل کیمی اهلیم یری وار گلسه فغانه
جسمون که سنون باتدی قزل گل کیمی قانه
جسمون دونه جاق زینبیمون سوسنه قارداش
.
.
سنسیز آتامین نائبی قارداشیم ابولفضل
موج ایلدی دریا کیمی گوز یاشیم ابولفضل
سندی بیلیم ای ماه بنی هاشم ابولفضل
تار اولدی جهان چشمیمه باخجاق سنه قارداش
.
.
شام اهلی جفادن نقدر ظلم ایده دویماز
حرمت حَرَمِ عصمت پیغمبره قویماز
بو حاله سالانلار سنی گور زینبی سویماز؟
رحم ایلر آتاسیز اوشاقا یا زنه قارداش ؟
.
.
یاتدی علمون شیونیم افلاکه اوجالدی
آرتدی اَلَمیم محنتون آتش دله سالدی
قطع اولدی امیدیم داخی بُل چارم آزالدی
چوخ اوخشورام ایمدی پوزولان گلشنه قارداش
.
.
دوشدون یره آتدان سن ، ایشیم مشگله دوشدی
کشتیّ نجات اولدی یقینیم گله دوشدی
زهرا قیزینون معجری الدن اله دوشدی
ال یوخ بدنونده چگه سن مأمنه قارداش
.
.
عمرونجه #حسینی یاناسان چوخ دگل آزدی
بو دورَه دَه طبعون نچه گون دوز یولی آزدی
جدّون صورا دم ویردی قلم بو سوزی یازدی
اَل تاپدیلا شام اهلی بو چولده سنه قارداش
.
(1) در کلیات کنزالحسینی این مصرع چنین نوشته شده است :
بو یوزدی و یا گون که یوزه قانی شفق دور
.
#سبک_ای_باد_صبا (بیش از 7 سبک)
پخش‌کننده صوت
#عباسیه_شهادت
#سعدی_زمان
#ال_تاپدیلا_شام_اهلی_بو_چولده_سنه_قارداش
#کنزالحسینی2 ص 65 (کلیات ص 309)
#ترکی
.
#زبدةالاشعار
?: @nohe_torki
: @nohe_torki . مرحوم آصف . گوزومدن ای گوزومون نوری سن نهان اولالی گئجه گونوز منه بیردور نچه زمان اولالی . خمیده قاشلاریوون فکری قدّیمیبیشتر
نظر دهید