ال چکمرم آدون منه عزتدى یاحسین #حسینیه_ارفعی_خسروشاهی

عرض ادب به محضر حضرت سیدالشهدا (ع)
#یاحسین
..
..
..
..
ارفعی خسروشاهی
..
..
..
..
ال چکمرم، آدون منه عزّتدى یاحسین
عشقون اورکده قلبیمه قوّتدی یاحسین
..
..
..
..
ای مشعل هدایت و ای کشتی نجات
تندیس استقامت و ای معنی ثبات
سندن آلوبدی گلشن قرآن و دین حیات
پروردگار قانیوا قیمتدی یاحسین
..
..
..
..
ای نفس مطمئنه و سلطان ملک عشق
سن یازموسان صحیفهٔ فرمان مُلک عشق
ای ناخدای کشتی ایمان و فُلک عشق
اللهدى عاشقون بو حقیقتدی یاحسین
..
..
..
..
قرآندا فجر و معنی و معنی ذبح عظیم سن
مرجان و کِفل رحمة و كُفو كریم سن
سن طور نینواده مراد کلیم سن
موسیٰ سنه مرید و رعیّتدی یاحسین
..
..
..
..
ای غیرتی سالان هامی دنیانی حیرته
وی همّتی حیات وئرن حق شریعته
دیباچه دور مبارک آدون لوح خلقته
حُسنون کتاب و عترته زینتدى یاحسین
..
..
..
..
مولا مبارک آدیوی دنیایه وئرمرم
بزمی که سندن ئوتریدی سینایه وئرمرم
من سایۀ بو پرچمی طوبایه وئرمرم
هر ئرده وار آدون اورا جنّتدى یاحسین
..
..
..
..
کیم یاحسین دئدی یتیشوبدور شرافته
دنیا و آخرتده چاتوبدور سعادته
هر کیم ئوزون سالانماسا بو باب رحمته
سنسیز بو زندگانلیقی ذلّتدی یاحسین
..
..
..
..
مولا قاپوندا عمر وئروب رتبه آلموشام
دوزدور کماله چاتماموشام دالدا قالموشام
اما سنون قاپوندا حسین جان قوجالموشام
بو فخریدور، آدیم سنه نسبتدی یاحسین
..
..
..
..
#حسینیه #ارفعی_خسروشاهی #ترکی #زبدةالاشعار #حسینیه_مدح