وداع حضرت قمر بنی هاشم (ع)
.
#زبدةالاشعار
.
: @nohe_torki
.
#سبک_خداحافظ_ای_آنام_باجی … 3 سبک
مشابه
.
مرحوم تائب تبریزی
اماندی گئتمه یالقیزام گئتمه قارداشیم گئتمه
کمکسیزم اوغولسوزام گیتمه قارداشیم گیتمه
.
.
بو گون منیم سرسپاهیم سن
ال گوتورمرم سندن
دوره می آلوب دشمن
.
.
بو چولده قارداش علمیم پایداردور سنلن
بو عزّ و جاه و شوکتیم برقراردور سنلن
تمام امن حرمیم استوار دور سندن
اماندی گئتمه یالقیزام گئتمه قارداشیم گئتمه
.
.
بو چولده قارداش بولوسن کیمسه دادخواهیم یوخ
الیم ائلیمدن اوزولوب بیر امیدگاهیم یوخ
بوكثرت دشمن آرا یالقیزام سپاهیم یوخ
اماندی گئتمه یالقیزام گئتمه قارداشیم گئتمه
.
.
اسر نقدرى علمون ای رشید باصولت
جسارت ایلمز منه اشتیای بدفطرت
بو بیدقون یاتسا ولی دشمنیم تاپار جرأت
اماندی گئتمه یالقیزام گئتمه قارداشیم گئتمه
.
.
نقدر سن ساقسَن ای شیر بیشۀ غیرت
بو چولده امن ایچره یاشار خانوادۀ عصمت
ولیک سنسیز اوز ویرر نازلی قزلارا وحشت
اماندی گئتمه یالقیزام گئتمه قارداشیم گئتمه
.
.
هله آتام اوغلی سنون اللرین سلامتدی
خیامه بیر ایله نظر گور نه شور و وحشتدی
دگوبدی بیربیره حرم خیمه ده قیامتدی
اماندی گئتمه یالقیزام گئتمه قارداشیم گئتمه
.
.
بو چولده غنچه گللریم قوی بوگرن یانوب سولسون
صدای العطشه بوکربلا چولی دولسون
سن ئولمه بو بالالاریم تشنه لب هلاک اولسون
اماندی گئتمه یالقیزام گئتمه قارداشیم گئتمه
.
.
نه بیرجه فریاده یتن وار نه بیر نفر یاور
ئولوبدی فضل و قاسمیم وار نه عون و نه جعفر
نه وار بو تنگ وقتده دادیمه یته اكبر
اماندی گئتمه یالقیزام گئتمه قارداشیم گئتمه
.
.
ئولوبدی اکبریم دونوب شامه گوندوزوم قارداش
سسیمه یوخدی سس وئرن سنده دور گوزوم قارداش
گیدورسن ایمدی من نجه سندن ال اوزوم قارداش
اماندی گئتمه یالقیزام گئتمه قارداشیم گئتمه
.
.
قریب اوز ایستکلیسین هیچ کیمسه بیله تک گیتمز
وفالی قارداش ال اوزوب قارداشینی ترک ایتمز
سن ایمدی گیتسن الیوه بیرده بو الیم یتمز
اماندی گئتمه یالقیزام گئتمه قارداشیم گئتمه
.
.
بو روحیمین وار بولوسن چوخ علاقه سی سنده
گیدر بو روحیم سنیله قالمارام داخی منده
حیالی قزلاریم قالار قید ظلم دشمنده
اماندی گئتمه یالقیزام گئتمه قارداشیم گئتمه
.
.
بیر الى یوخدور ایله بول هر کس اولسا قارداشسیز
دیدیم که گیتسن قالارام من بو چولده یولداشسیز
سن اولماسان من اولمارام قزلاریم قالار باشسیز
اماندی گئتمه یالقیزام گئتمه قارداشیم گئتمه
.
.
بوشاه بیتی تائبا گتدی مُلهم غیبی
دیولمه سه یازانماسان یوخ بو نکته نین ریبی
عجب طریقیله گلوب وار نه نقص و نه عیبی
اماندی گئتمه یالقیزام گئتمه قارداشیم گئتمه
.
.
.
.
#عباسیه_تائب_تبریزی
#عباسیه_شهادت
#اماندی_گئتمه_یالقیزام_گئتمه_قارداشیم_گئتمه
#ترکی
.
#زبدةالاشعار
.
: @nohe_torki
نظر دهید