غارت خیام
.
✍️ #زبدةالاشعار ✍️
.
🆔: @nohe_torki
.
#سبک_ای_درد_بی_درمانلارا … 10 سبک
مشابه
.
مرحوم ذوقی
.
جسمون دوشوب صد پاره بو میدانه قارداش
ال آچدیلار بو اهل کین تالانه قارداش
.
اللرده قمچی بو گروه کینه پرور
یکسر توکولدی خیمیه ای شاه بی سر
خوفه دوشوبلر سربسر آل پیمبر
چاره م ندور قیل چاره بو نالانه قارداش
.
.
ئوز عهدیوی وئردون باشا یتدون مرامه
اوضاع حشری زینبه ائتدون اقامه
دشمن بیله بولمز وئروب ظلمون تمامه
نقصانی وار یتموب هله پایانه قارداش
.
.
سن جان زهراسن حسین شاه شهیدان
هانسی شهید اولموش سنون تک قانه غلطان
قیل باخبر عباسی بو حاله حسین جان
یغمایه گیتدی خیمۀ شاهانه قارداش
.
.
واردور باشمدا نه بلا بولدوم ازلدن
توفیق صبره ایستدیم من لم یزلدن
تنگ اولدی سینم ظلم اشرار مِلل دن
خصم اولدولار بو قوم کین قرآنه قارداش
.
.
باشدان ایاقه پیکرون گلدور باخاندا
هچ گل بو نوعی آچمیوب بیر گلستاندا
نه رحم و نه انصاف وار یاره ووراندا
بلبل کیمی زینب گلوب افغانه قارداش
.
.
غارتگران شامدن قیلام شکایت
غارت ایدوبلر بیزلری غارت نه غارت
بیر کیمسه باری اولمادی ائتسون حمایت
یاندی چادیرلار آتش سوزانه قارداش
.
.
ائتدوقجا هر دم هلهله کوفه سپاهی
عرشه اوجالدى خیمه دن اطفال آهی
السیز ایاقسیز قیزلارون اولدوم پناهی
منده توکّل ایلدیم یزدانه قارداش
.
.
حددن گچوب شام اهلینون جور و جفاسی
یوخ قتلگاهون زینبه ذوق و صفاسی
من قالمارام بو دشتیده وار بدهواسی
لعنت گله بو گردش دورانه قارداش
.
.
.
#غارت_خیام #ذوقی_تبریزی
#جسمون_دوشوب_صد_پاره_بو_میدانه_قارداش
#ترکی
.
✍️ #زبدةالاشعار ✍️
.
🆔: @nohe_torki
.
نظر دهید