امر ایتدی حسین شمره دیون باخبر اولسون #شب_عاشورا_بیضا_اردبیلی

شب عاشورا
..
..
..
..
مرحوم بیضا اردبیلی
..
..
..
..
امر ائتدی حسین شمره دیون باخبر اولسون
وئرسون بیزه مهلت بو گئجه تا سحر اولسون
..
..
..
..
عباس وفاداره یتوب تا که بو پیغام
قالموب او دلاورده که بیر ذره ای آرام
غیرتدن ایتوردی اؤزین اول زبدۀ ایّام
هئچ بیلمدی نه نوعیله پیغام بر اولسون
..
..
..
..
شمری چاغیروب غیظیله اول ماه مدینه
قیتردی هامی لشکر اعدانی یرینه
بیر نوعیله مهلت آلوب اعدادن حسینه
عالم قالوب آز، شیعه که زیر و زبر اولسون
..
..
..
..
بیر منبری شاه شهدا ایلدی بر پا
اوز یاور و انصارینه بعد ایلدی القا
گئتسون گئده جک بو گئجه هر کیمسنه فردا
مشکل بیزه بو رزمده فتح و ظفر اولسون
..
..
..
..
ذرات جهان اولدی بو گوندن اوتور ایجاد
بیگانه ده گئتسون که دگل قابل ارشاد
بو یرده باتا قانه گرک قاسم داماد
تازه گلینون زیوری اشک بصر اولسون
..
..
..
..
گئتسون گئده جک سسلدی هر کیمسنه چاوش
قالسا ائده لابددی گرک جام اجل نوش
امر ایلدی بَعد ائتدیله مشعل لری خاموش
اعدا دلی تک تا دل شب دیده تر اولسون
..
..
..
..
بو یرده من و یاریله بیر عهدیدی سابق
باشیمی گرک تشنه کسه قوم منافق
وئرمیش خبر ای قوم منه مخبر صادق
مسکن بیزیچون ظلمیله بو رهگذر اولسون
..
..
..
..
هر جور و جفاسی وار ائدر شمر جفاکار
لب تشنه منی ئولدورو بو فرقۀ كفّار
قویمازلا باجیم زینب بیچاره نی زینهار
ناله من مظلومه قیلوب نوحه گر اولسون
..
..
..
..
بو کرب وبلا دشتیدی یاران دگو مینا
بو یرده گرک آغلیا قان اوغلونا لیلا
ظلمیله شهید ستم فرقۀ اعدا
بو یرده حسین شیعه سی خونین جگر اولسون
..
..
..
..
عباسیمون اعدا سالو قوللارینی تندن
ظلمیله كسر باشیمی لب تشنه بدندن
بو یرده گئدور یاور و انصاریم الیمدن
کلثوم گرک ناله چکوب دیده تر اولسون
..
..
..
..
قانه بلشور ظلمیله بو عارض آلیم
جان وئرمگه مشتاقم و یوخ اوزگه خیالیم
قول باغلی گرک ظلمیله اولاد و عیالیم
بو چولده جفائیله منیم دربدر اولسون
..
..
..
..
تحصیل كمال ایله تاپ عالمده بیر عالم
نه شوق بهشت ایله نه پروای جهنم
بیضا بو حبیبین آدی اکسیریدور اعظم
بو مسّ وجودی وئر اونا تا که زر اولسون
..
..
..
..
#شب_عاشورا #بیضا_اردبیلی #ترکی #زبدةالاشعار