شهادت حضرت علی (ع)
تسلی دادن حضرت علی (ع) به امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
.
قویما بوینون چگنیوه ای نور عینیم آغلاما
جان وئرور مظلوم آتان مظلوم حسینیم آغلاما
.
.
صفحۀ رویونده قویما اشگ چشمون خط سالا
محنت و غم غصّه الدن صبر و آرامون آلا
قلبیمی درده گتورمه ای غریب کربلا
قویما بوینون چگنیوه ای نور عینیم آغلاما
.
.
عالمه اود ورما یاندورما شرار آهوه
صبر ائله تخفیف وئر بو نالۀ جانکاهوه
قویما آخسون اشگ دیده وجه وجه اللهوه
قویما بوینون چگنیوه ای نور عینیم آغلاما
.
.
درد هجرانیم اوغول هر چند مشگلدور سنه
یوز ائله بو آغلاماق جان اوسته نسگلدور منه
قلبیمون آرتور ملالی سن گلنده شیونه
قویما بوینون چگنیوه ای نور عینیم آغلاما
.
.
باخما طاقتدن منی سالموش بو بیر ضربت اوغول
چوخ وئرور جان أوسته بو ضربت منه زحمت اوغول
آغلاما اَنتَ شَهیدُ هذِه الأُمَّت اوغول
قویما بوینون چگنیوه ای نور عینیم آغلاما
.
.
آختاروردی بیربئله آنی گئجه گوندوز گوزوم
باش قلجلانسون آخوب قانی خضاب اولسون یوزوم
گوردیلر فزت برب الکعبه اولدی صون سوزوم
قویما بوینون چگنیوه ای نور عینیم آغلاما
.
.
اینجیمیشدیم چوخ بو دنیادن بئله دورانیدن
بو قضا تقدیر اولونموشدی منه جانانیدن
من او تقدیره گوتوردوم ال بو باش و جانیدن
قویما بوینون چگنیوه ای نور عینیم آغلاما
.
.
باشه وئردیم زحمتیله عمریمون ایامینی
روزگارین چکدیم هر رنج و غم و آلامینی
نوش قیلدیم من بو ضربتله شهادت جامینی
قویما بوینون چگنیوه ای نور عینیم آغلاما
.
.
اولمیوب خالق رضا بیر آن گوره آغلار گوزون
من نئجه راضی اولوم اشگیله ایسلانسون بوزون
آغلاما ای نور دیده م صبر ائله پوزما اوزون
قویما بوینون چگنیوه ای نور عینیم آغلاما
.
.
باشون آچما اوز اوزون جاندان اوساندورما حسین
حسرتیله گوزلرون بیله دولاندورما حسین
قلبیمی آه شرربارونله یاندورما حسین
قویما بوینون چگنیوه ای نور عینیم آغلاما
.
.
آغلاما مظلوم آتان بو حالده آغلاتما چوخ
بیر بو ضربتدن سوا جسمیمده اوزگه زخم یوخ
چاتمیوبدور باش باشا سن تک اوغول سینمده اوخ
قویما بوینون چگنیوه ای نور عینیم آغلاما
.
.
وار منیم باشیمده گر مهلک اولان باش یاره سی
یوخ جبینمده ولی سن تک اوغول داش یاره سی
نه اورکده وار اوغول داغیله قارداش یاره سی
قویما بوینون چگنیوه ای نور عینیم آغلاما
.
.
بیله محزون آغلاما توکمه یوزه اشگ بصر
گورمیوم باری سنی بو صون نفسده دیده تر
آغلوری سن آغلیاندا اهل بیتیم سربسر
قویما بوینون چگنیوه ای نور عینیم آغلاما
.
.
ای اولان باشی تنور ایچره گول اوسته میهمان
ای گئدن نیزه باشندا باشی شامه ارمغان
باشون آچما گلمه داده ائیلمه آه و فغان
قویما بوینون چگنیوه ای نور عینیم آغلاما
.
.
عاصیا بو بیر زبانحالیدور ائتدون رقم
نوحه دن اوزگه اماندور قویما کُتب ائتسون قلم
گوئیا بئله دیردی اوغلونا شاه أمم
قویما بوینون چگنیوه ای نور عینیم آغلاما
.
.
.
.
.
#حیدریه_عاصی_تبریزی
#حیدریه_شهادت
#قویما_بوینون_چگنیوه_ای_نور_عینیم_آغلاما
#ترکی
.
✍️ #زبدةالاشعار ✍️
.
🆔: @nohe_torki
نظر دهید