زبدةالاشعار

یره ذوالجناح هایاندا بابامی سالوب گلوبسن #ذوالجناح #غمکش

گفتگوی حضرت رقیه(س) با ذوالجناح
.
✍️ #زبدةالاشعار ✍️
.
🆔: @nohe_torki
.
مرحوم حاج عبداله رضایی (غمکش)
.
یره ذوالجناح هایاندا بابامی سالوب گلوبسن
اوزون آه و الاَماندا بابامی سالوب گلوبسن
.
.
سو کیمی یوزه گوز اشگون گورورم اولوب روانه
بویانوبدی کاکلون هم بدنون بو نوعی قانه
بابامین یارالی جسمی اولوب اوخلارا نشانه
یَهَرون بویاندی قانه بابامی سالوب گلوبسن
.
.
سنی آلدیلار آرایه نجه فرقۀ ستمگر
توکولوبله دورت طرفدن هامی الده نیزه شش پر
بیری سنگ و تیر و شمشیر بیری اوخ خدنگ و خنجر
بیرینین اَلی کماندا بابامی سالوب گلوبسن
.
.
گوزومون سرشگی سو تک توکولور عذاره نیلوم
چکیلوبدی داغ دلسوز دل داغداره نیلوم
گتوروبدی آه و زارون منی آه و زاره نیلوم
گورورم سنی فغاندا بابامی سالوب گلوبسن
.
.
هامی منتظر خیمده اوتوروبدور آل عصمت
گلر ایندی قتلگهدن شه تشنه لب سلامت
قوپار ایندی خیمه لرده سنی گورسه لر قیامت
نیه تک گلوب هایاندا بابامی سالوب گلوبسن
.
.
بابامی گتورمگه سن مگر اولمادی خیالون
منی قلبیدن مَلاله گتورور سنون ملالون
دوزولوبدی قطره قطره یوزوه سرشگ آلون
هدف اوخلارا اولاندا بابامی سالوب گلوبسن
.
.
بو قدر قوشون ایچینده بابامین یوخیدی یاری
نه اوغول نه قارداشی وار نه کومگ نه جان نثاری
اوزی تشنه هر یارادان قان اولور چو چشمه جاری
پوزولوب گلون خزاندا بابامی سالوب گلوبسن
.
.
هامی ناگران باخولّار سنه سنده ناگرانسان
گل و غنچه سی جفادن سارالان چو گلستانسان
ئورگیم دونوبدی قانه نیه سنده باغریقانسان
منه سویله هر مکاندا بابامی سالوب گلوبسن
.
.
او قدر قاچوب دولانماق سنی ایلیوبدی خسته
یورولوب گلوب دوروبسان نیه بوردا دل شکسته
بابامی وُراندا لشگر سنه اوخ دگوب اوخ اوسته
غم و محنتون نهاندا بابامی سالوب گلوبسن
.
.
نقدر بو غمده «غمکش» ایده سن نوا و ناله
گتورنمه سن هزاران غمینین بیرین خیاله
یازاسان صباح و شامی باتاسان غم و ملاله
یره ذوالجناح هایاندا بابامی سالوب گلوبسن

متن پیشنهادی:  جان ویرورم گل باجی معصومه گل #رضویه_سعدی_زمان

.
.
#ذوالجناح #غمکش
#یره_ذوالجناح_هایاندا_بابامی_سالوب_گلوبسن
#ترکی #یادگار_غمکش
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی