متن روضه شهادت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
امیرالمؤمنین مسجدیدی، حسنین عجلینن گلدی‌لر مسجده، آتاجان تئز گَل آنام زهرانین حالی منقلب اولوب، با اینکی مسجدینن و بیت ولایتین بیر فاصله سی یوخیدی، اما امیرالمؤمنین بو فاصله‌ده نچه دفعه اگلشدی یره، وقتی وارد اولدی منزله، گوردی ام‌ایمن، فضّه و أسماء بیر گوشه‌ده دایانوب‌لار، گوزیاشی توکولّر و آغلاشولّار، امیرالمؤمنین بویوردی:
«مَا الخَبَر؟ وَ مَا لِی أراکُنَّ مُتَغَیِّراتُ الوُجوه وَ الُّصوَر؟»
نه خبر اولوب؟ نیه حالوز پریشاندی؟ دئدی‌لر: یاعلی
«أدرِک ابنَتَةَ عَمِّک و ما نَظُنُّکَ تَدرِکَها»
زهرانی درک ایله، تئز گت زهرانین بستری‌نین کنارینه. امیرالمؤمنین عجلَیْ‌‌نن وارد اتاق زهرا اولدی، گوردی زهرا روبه قبله یاتوب
اولین مرحله کی منزلنه گلدی علی
گوردی خاموش اولوب اُول پرتو نور ازلی
باخدی بیر زهرانین جمالینه، بولمورم نه حالی امیرالمؤمنینه یوز وئردی،
.
«أَخَذَ العَمّامَةَ عَن رَأسِهِ وَ حَلَّ أَزرارِهِ»
باشندان عمّامه‌سین گوتوردی، عباسین آتدی یره، «جَلَسَ» اگلشدی زهرانین کنارینده
.
«حَتّی أخَذَ رَأسَها وَ تَرَکَهُ فی حِجرِهِ»
زهرانین باشین آلدی دیزلری اوستونه، ایکی اوچ دفعه سسلدی:
«یَا بِنت رَسُول الله، یا فاطمةَ الزهرا» پیغمبرین قئیزی؟
.
.
نقدر سسلدی سس گلمدی دلداریندن
قالدی آواره، غم آلتیندا او طاقت کانی
.
گوردی سرمایه‌ی عمرون وئروب الدن حیدر
یوخدی بو فاجعه نین حشره کیمی جبرانی
.
توکدی گوزیاشینی گوزدن یوزه بی یاور امام
عرشه اوج ائتدی او ساعت آقانین افغانی
.
.
ولادت یافته‌ی خانه خدا، حرمت و احترام و عظمت و عزت کعبه، آغلیا آغلیا یوزون دولاندوردی بیر قبلیه طرف، الله اگر من بیر ایکی کلمه زهراینان دانیشماسام ئولّم، الله من زهرانی سنن ایستیرم
.
دئدی الله گل طاهانی دوباره منه وئر
آلما مندن اونی، زهرانی دوباره منه وئر
.
آخرده سسلندی:
.
بیر توکون زهرا بیلورسن عالمه من وئرمرم
یاره‌وه قربان اولوم دیندیر دانشدیر حیدرم
ـــــــــــــــــــ
از کتاب « گلچین روضه های آذری » دکتر سید علی موسوی باروق
.
.
#متن_روضه
#فاطمیه_شهادت
#فاطمیه_متن_روضه
#ترکی
.
✍️ #زبدةالاشعار ✍️
.
🆔: @nohe_torki
نظر دهید