زبدةالاشعار

ایلیوب خم‌ خم زلفون منی دیوانه اوغول #اکبریه_فانی_تبریزی

زبانحال حضرت لیلا (س) در وداع حضرت علی اکبر علیه السلام
.
.
عباس داداش زاده (فانی تبریزی)
.
.
ایلیوب خم‌ خم زلفون منی دیوانه اوغول
گل ووروم شانه او گیسوی پریشانه اوغول
.
دوشنوب سنبل زلفون نه گوزل عارضیوه
دییرم هاله ‌دی گویا مه تابانه اوغول
.
عارضون شرح ‌ائدور آیات الهی رقمین
بنزوری صفحۀ حُسنون اودی قرآنه اوغول
.
نشر ‌ایدور شمع جمالون بیله کیم نور لقا
یری وار منده اولام شمعوه پروانه اوغول
.
ائدوری کاکلون آشفته نسیم سحری
گذر ‌ایلور دیه ‌سن سنبل و ریحانه اوغول
.
قطره قطره دوزولوب طرف جبینونده عرق
یا، سمن غرقه اولوب گوهر غلطانه اوغول
.
یوخ گمانیم سویا گوز جامی مگر فیض وئره
بارش اشکمیله اُول لب عطشانه اوغول
.
یاندرور قلبیمی حسرت اودی گوردوقجا سنی
اشگ آلون دوزولوبدور صف مژگانه اوغول
.
دور پیمانه دی هر گردش مخمور گوزون
اودی مست ‌ایلوری لیلانی بو پیمانه اوغول
.
وادی عشق و جنونه آپارور جذبه ایله
هر باخیشدا منی اول نرگس مستانه اوغول
.
ترک جان شرط لقای رخ جاناندی بلی
باش ویرر عاشق اولان جلوۀ جانانه اوغول
.
سنی سرمست ایلیوب بادۀ وحدت یری وار
گر لبون طعنه‌ ورا چشمۀ حیوانه اوغول
.
نیله ‌سون بی ‌کس آنان اوندا کی گل عارضوی
ارغوان تک بویانوب گورسه قزیل قانه اوغول
.
بیر تلون قانه بویانسا یری وار لیلی آنان
دوشه مجنون ‌کیمی گر کوه و بیابانه اوغول
.
ظلمیله دور زماندور سنی مندن آییران
وای اولا وای بیله گردش دورانه اوغول
.
قصد ‌ایدوبس گیده‌ سن ایندی ‌کی میدانه طرف
قویما سنسون شرف و عزّت شاهانه اوغول
.
عرصه ‌نی تنگ‌ ایله بو قوم جفا ‌پروره تا
آنلاسونلار که ندور همّت مردانه اوغول
.
آغلا #فانی گینه تکرار ایله هر شام و سحر
ایلیوب خم‌ خم زلفون منی دیوانه اوغول
.
.
#اکبریه_شهادت
#ایلیوب_خم_خم_زلفون_منی_دیوانه_اوغول
#فانی_تبریزی
#ترکی
#زبدةالاشعار

متن پیشنهادی:  منبع جود و کرم لطف و سخادور سجاد #سجادیه_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی