راه شام
.
✍️ زبدة الاشعار ✍️
.
?: @nohe_torki
.
ودود آذرین خلخال
.
مرغ طبعیم دولانور وسعت معنانی تاپا
بوپریشان حالیما بیر سرو سامانی تاپا
دردیمه یانسا اگر حاذق اطبانی تاپا
دوشدی بیردن یادیما روضه لرین دادی دوزی
شاه عطشان دهنون فاطمه بنذرلی قیزی
.
.
نام زیباسی رقیه شرف اهل ولا
اوچ یاشی واردی بویوک درده ایدر عمده دوا
خیرداجا قبرینه قربان اولا بو اهل عزا
بی علاج دردلره عالمده نتایج دی خانم
صدقیلن دردوی دی باب الحوائج دی خانم
.
.
ولی چوخ درد و بلا دهریده چکدی بوبالا
قلبینه بذر غم و غصه نی اکدی بوبالا
راه شاماتیده حق بیلدی نه چکدی بوبالا
ناقه دن دوشدی قالوب یولدااولوب محنته توش
باشلیوب غملی سوزین من دیورم قالما خموش
.
.
جلوه لندیر نظرونده اوقیزین غملی چاقین
یارالور خار مغیلان غابار اولموش ایاقین
نقدرواردی مگرتاب بلا بیر اوشاقین
نصف شب قیز اوشاقی قورخولی چول ای عجبا
وحشت ایلور بو بالا باخدوقیجا صاق و صولا
.
.
گوردی بو منظره نی شافع حشر و عرصات
جنتی ترک ایلدی آینه صوم و صلات
نورزهراییله نورانی اولوب دشت و فلات
دیدی ای عمه سینون همدم نالانی قیزیم
اولا قربان گوزوه فاطمه نین جانی قیزیم
.
.
گلدی او دشتیده آغوشه آلوب ناز بالانی
سویلدی قورخمابالا بیکس حسینون قالانی
قلبیمون خانه سی بو ناله سسوندن تالانی
گلدی اول غمزدیه یار و نگار اولدی گیجه
خیرداجا فاطمیه ؛ فاطمه یار اولدی گیجه
.
.
باخدی دقتله رقیه یوزی نیلی خانیما
دیدی سنسن بوبیاباندا محافظ جانیما
بوچتین وقتیده کیمسن کی گلوبسن یانیما
سنده من تک گورورم غصه لی سن غمزده سن
واردی اگنونده قرا اولمیا ماتم زده سن
.
.
گوزلرون اوخشاری وار عمه ساداته سنون
لحن صوتون دیوری غارت اولوبدی چمنون
غم سسوندن ایله بیل وار تزه لیکده اولنون
من یتیمم بابام اللرده سوسوز قانه باتیب
چادرون سویله نیه کوللره تپراقه باتیب
.
.
دی گورورم کیمسن اولوبسان منه مانوس الم
زینب عمم کیمی جان جان دیوسن لحظه و دم
اوپوسن یوزگوزومی یاده دوشور غملی ننم
گورورم آغلیوسان گوزلر اولوب نملی خانم
نفسوندن بابامین عطری گلیر غملی خانم
.
.
بویوروب فاطمه من غمکشی یاده سالانام
اوز ننون فاطمیم دردوی جانه آلانام
قورخما تا صبحه کیمی بوردا یانوندا قالانام
چوخ قوی سروی ده صحراده قرا یللر اگر
سن منه بنذیوسن صورتوه سیلی دگر
.
.
عصرعاشوربلا دوشدی جهان ایچره فغان
شهدا قالدی اولوبدی اسرا شامه روان
مطبخ خولیده یاتمیشدی بابون یوزگوزی قان
بلبل غمزده تک من قوناقیدیم او گوله
اوردا دردانه قیزیم پیرهنیم باتدی کوله
.
.
سیزلره طول سفرده بالا ناظردی گوزوم
یثرب و مکه و هم کرب وبلادیدیم اوزوم
یوخدی بیر بیله مصیباته قیزیم منده دوزوم
گوروسن قاندی گوزوم آغلیورام اوغلوم اولوب
سن کیمی منده اورک داغلیورام اوغلوم اولوب
.
ضرب سیلی دن اولوب یوزگوزی قان قالمادی تاب
آغلادی ضجه ویروب تا نوه ختم مأب
غیظیله زجر ایلدی دختر اربابه خطاب
یولانیب قافیله بیزده گرگ افراده چاتاخ
منله گل مرکبه مین سرعتیله راهی اولاخ
.
.
دیدی شرم ایله ستم پیشه و بی شرم و حیا
من حسینون قیزیام عالم احکام خدا
مینمرم من سنیلن بیر آتا ای دون و دغا
عمه عمه چاغیروب شامه پیاده گلرم
عمه مه تایتیشینجه ایله قانیاش الرم
.
.
ایلدی زجر دنی اول قیزا چوخ ظلم و ستم
تازیانیله نجه یول یول اولوب آغلا قلم
بوسوزه داغلا سینه یابن الحسن میرامم
نه قویوب بیر اوتوروب جانینی راحت ایلسون
آت دوشینده بالا بیر قیز نئجه طاقت ایلسون
.
.
باشیما قمچی منیم ظالم کافر ویرما
هم یتیمم هم اولوب قارداشیم اکبر ویرما
فاطمه بنذریم زاده حیدر ویرما
سسلرم دادیمه آیینه احساس گلر
علقم اوستوندن عموم حضرت عباس گلر
.
(آذرین) قلبووی یاندیرسا بو غم اشکون اله
بیر بیله حال تباکی سنوچین گلمز اله
اورگون عشق رقیه له سن آکنده ایله
گوزیاشون ؛ غملی حالون شعروی ارزنده ایدر
حتمی زهرای سه ساله ؛ سنی پاینده ایدر
.
.
#راه_شام
#مرغ_طبعیم_دولانور_وسعت_معنانی_تاپا
#آذرین_خلخال
#ترکی
.
✍️ زبدة الاشعار ✍️
.
?: @nohe_torki
نظر دهید