حضرت علی اصغر علیه السلام
.
#زبدةالاشعار
.
: @nohe_torki
حاج جواد رسولی
.
اهل دل سوزلری همواره دل و جان سوزودی
تا ابد زنده و پاینده دی جانان سوزودی
.
محتواسیز یازیلان شعر دوشر دللردن
سوزده گر بوی ولایت اولا عرفان سوزودی
.
« از صدای سخن عشق ندیدم خوشتر »
سخن عشق یقین مکتب قرآن سوزودی
.
بو جهانون ابدی لذّتی یوخ زحمتی چوخ
قلب انسانی فقط شاد ائدن ایمان سوزودی
.
چالشور غرب که محو ایلیه ایرانین آدین
ولی هر یرده گورور ملّت ایران سوزودی
.
بو علی کشورین الله ئوزی آباد ائلسین
خُرد اولار دشمن دین خالق منّان سوزودی
.
طول تاریخده چوخ سوز یازیلوبدور اما
قلبلر ملکنه سلطان شه مردان سوزودی
.
حفظ مکتبدی بو دنیاده بیزیم مقصدیمیز
تا ابد زنده قالان پیر جماران سوزودی
.
الله الله نقدر دوزلودی مولانین آدی
آدی اکسیردی هم دردلره درمان سوزودی
.
سسلدوقجه بو گوزل آدلاری عشقیم چوخالور
نام زهرا و علی شیعه نین هر آن سوزودی
.
حسنین حسنینه مبهوتم، حسینین آدینا
اولارین سوزلری دلداده لره جان سوزودی
.
گچدی مین دورد یوز ایل هنگامۀ عاشورادن
هر ایل ایام محرّمده گنه قان سوزودی
.
بو حسینین قانی، الله قانیدی شک ائلمه
پسر خون خدا سوزلری یزدان سوزودی
.
کیم دئسه هیئته گئتمه ندی بو آغلاماقون
اعتنا ایلمه صد در صد او شیطان سوزودی
.
آشنادن خبر آل گوزیاشینین قیمتینی
قاپیدا دفن اولونان بیر قوجا دربان سوزودی
.
گاندی هند دئدی ملّتینه دنیاده
منجی روح بشر شاه شهیدان سوزودی
.
کیم باش اگسه بیزیم اربابیمیزه عزّتی وار
بو سوز البته هر آزاده مسلمان سوزودی
.
نقدر واردی جهان ئولیمه جاق نام حسین
تا قیامت دوشه جاق دیللره سبحان سوزودی
.
روز عاشور او هنگامه ده تک قالدی ولی
ذلّته اگمدی باش عرضیمه برهان، سوزودی
.
شیر خوار اوغلی بشیکده دئدی لبیک بابا
آیری سوز یوخدی فقط زهریلی پیکان سوزودی
.
مرغ روحیم پر آچوب شاخۀ طوبایه قونا
ائتمه مأیوس بو بیر طفل لب عطشان سوزودی
.
خیمیه گلدی حسین گوردی حرملر ملشور
چوخ مؤثر هامیدان زینب نالان سوزودی
.
آلدی آغوشینه شه نازیله اصغر بالاسین
اوپدی رخسارینی یاد ایلدی اکبر بالاسین
.
.
#اصغریه_شهادت
#اصغریه_رسولی_زنجانی
#اهل_دل_سوزلری_همواره_دل_و_جان_سوزودی
#ترکی
.
#زبدةالاشعار
.
: @nohe_torki
نظر دهید