زبدةالاشعار

گلمیه جک عالمه تا دم روز شمار #عباسیه_کاتب_اردبیلی

در فضایل و مصایب جناب علمدار کربلا
.
✍️ #زبدةالاشعار ✍️
.
🆔: @nohe_torki
.
مرحوم کاتب اردبیلی
.
گلمیه جک عالمه تا دم روز شمار
حضرت عباس تک شیردل و نامدار
.
.
مُنشی و مُستوفی پادشه کربلا
حِلمیده مثل حسن رزمیده شیر خدا
دشمنه قهر و غضب دوستینه بحر سخا
عالم آرا مظهر صنع خداوندگار
.
.
وار نه غمی شیعه نون بیر بئله مولاسی وار
حاصل ائدر دوستینون هر نه تمنّاسی وار
گرچه دوشوب قولاری بیل ید بیضاسی وار
موسی عمران کیمی معجز ائدر آشکار
.
.
کرب وبلاده ائدوب جانینی قربان حق
شرع نبیده اولوب تابع فرمان حق
حق طرفیندن اودور قاضی دیوان حق
بیدق دینی ائدوب عالم آرا استوار
.
.
آه او زماندان اونون قوللاری اولدی قلم
اوخلادیلار ظلمیله مشکینی قوم ظلم
بیر یانا مشکی دوشوب بیر یانا قانلی علم
اولدی سودان ناامید ایلدی چوخ آه زار
.
.
شیعه او کان وفا ائتدى عقابه خطاب
یوخدی داخی گئتمگیم ایلمه هرگز شتاب
مشکیمون اوخلانماقی ائتدی منی دلکباب
خورداجا اطفالدن اولدوم عجب شرمسار
.
.
آلدیلار اطرافینی قوم عدو صف به صف
ایلدیلر جسمینی تیر و سنانه هدف
اشکیله دولدی گوزی باخدی خیامه طرف
عرض ائلدی داده گل ای شه گردون مدار
.
.
ائتدی نشان اوخلارا مشکیمی قوم عدو
دگدی خدنگ جفا قالمادی مشکیمده سو
ئولمگیمه راضیم وار ولی بیر آرزو
بیرده گوروم گل یوزون جانیمی ایلوم نثار
.
.
بیرجه تصوّر ائدون قلبیده ای شیعه لر
یوز وئروب آیا کیمه بیله مصیبت مگر
قولسوز اولا بیر نفر دشمنی یوزمین نفر
بغض و عداوتلرین ایلدیلر آشکار
.
.
بسدی داخی «کاتبا» گلدی فغانه قلم
ایلمه بو محنتی بوندان علاوه رقم
دردوه درمان اوزی ایلر او کان کرم
اول متوسّل اونا صدقیله لیل و نهار
.
.
#عباسیه_کاتب_اردبیلی
#عباسیه_مدح
#گلمیه_جک_عالمه_تا_دم_روز_شمار
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  حضرت هادی دلین زهرجفا قان ایلدی #الهادی_غمخوار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی