اهل کوفه گوردی جنگه بیر ملک سیما گلور #قاسمیه_جابری_تبریزی

شجاعت و شهادت حضرت قاسم (ع)
..
..
..
..
..
حاج تقی جابری
..
..
..
..
..
اهل کوفه گوردی جنگه بیر ملک سیما گلور
مرکز میدانی قصد ایلوبدی بی پروا گلور
..
..
..
..
..
نوجواندور بدر رخشان تک درخشاندور یوزی
وصفه گلمز بس که زیبادور ایکی شهلا گوزی
سهم و صولتده على المرتضا عیناً اوزی
ذکر تسبیح و ثنا دلده او مه سیما گلور
..
..
..
..
..
بیر جلالتله دوتوبدی مرکب اوستونده قرار
جلوه گر دور طلعتینده جلوۂ حسن نگار
ایلیوب عمّامه سین تحت الحنک اول گل عذار
هر گورن سویلر بودور مصداق کرّمنا گلور
..
..
..
..
..
کیمدی بو بیله وجاهتلی گوزل سیماسی وار
دلربا دور، خوش لقادور، قامت رعناسی وار
حُسنی بی همتادی، خلقت ایچره استثناسی وار
دست قدرت خلقتنده ایلیوب غوغا گلور
..
..
..
..
..
بیر صلابتله گلور میدانه اول کوه وقار
هیبت شیر خدا اولموش یوزینده آشکار
بیر الینده نیزه وار بیر الده تیغ جان شکار
شیردور، شیر اوغلیدور، شیرانه بی پروا گلور
..
..
..
..
..
وارد اولدی مرکز میدانه بیر تدبیریله
گلدی تا دوردی برابر لشکر تزویریله
آچدی باب پند و اندرزی اوجا تکبیریله
ذکر تکبیریله قلبه قدرت و یارا گلور
..
..
..
..
..
سویلدی ای کوفیان من مصطفانین اوغلیام
قاسمم من، قاسم نار و جنانین اوغلیام
نجل زهرای بتولم، مجتبانین اوغلیام
یوخدی باکیم جنگیمه گورسم هزار اعدا گلور
..
..
..
..
..
ائتدی هر قدری نصیحت گوردی هئج ائتمور اثر
چکدی شمشیرین غلافیندن اولوبدور حلمه ور
سالدى توپراقه اوتوز بئش پهلوان باهنر
قاچدی بیر عدّه ملخ تک گورجاقین عنقا گلور
..
..
..
..
..
بیر هنر وئردی نشان ائتدی ایله عالی جدل
مجتبا تک دُؤر ووردی لشکری اول پور یل
تازه لندی ذهن لرده تلخی جنگ جمل
گوردی سعد اوغلی اونا ساری او رزم آرا گلور
..
..
..
..
..
وحشت آلدى جانینی سسلندی ای جیش یزید
سانمیون بو نوجوان هاشمینی سیز وحید
اورگدیبدی بو جوانه جنگی عباس رشید
پرچمی یخماقلیقا اول فارس هیجا گلور
..
..
..
..
..
هر طرفدن بو جوانه عرصه نی تنگ ایلیون
بیر طریقیله دچار مکر و نیرنگ ایلیون
جسمینی آماج تیر و نیزه و سنگ ایلیون
گورموسوز سرعتله الده تیغ جانفرسا گلور
..
..
..
..
..
تا بو فرمان صادر اولدی ائتدی حمله کوفیان
قاسمی آلدی آرایه، اوخ ویران نیزه ویران
سینه سیندن ویردی بیر ظالم او دمده بیر سنان
چیخدی دالدان گوردی قاسم حالت اغما گلور
..
..
..
..
..
سعی قیلدی استقامت گوستره اول پاکرو
حال ضعف اوز وئردی آلدى دوره سین فوراً عدو
دوشدی توپراق اوسته سسلندی فقط تئز گل عمو
باشیمی کسماقه قصد ائلیوبدی بیر ادنا گلور
..
..
..
..
..
جابری واردی یاخوندا بیر اوزاق یوللی سفر
ظلمت مطلق دی، چوخ وحشت لی یولدى سربسر
اهل تقوا اول عزیز عمرون بئله ویرمه هدر
قورتولور دنیا قاباقدا عالم عقبا گلور
..
..
..
..
..
دوت کریم اهل بیتین اوغلی قاسم دامنین
بوشلاما ایسته برات کربلا بیر اربعین
چون کریم ابن کریم دور دعوت ایلر بول یقین
ناگران اولما برات ایّامی عاشورا گلور
..
..
..
..
..