زبانحال امام حسین (ع) با یزدان در خصوص حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
تشنۀ وصلون دل آچماز چشمۀ حیوانه یارب
جان آلان بیر اوخ سو ویردی بیر قوزی قربانه یارب
.
.
محو اولوب موسادن آرتوخ جلوۀ ذات و جماله
غرق اولوبدی نوحه بنزر روح دریای کماله
یول آچوب عنقا گیدیشلی قاف تجرید وصاله
جان قاچیتمازدی قاچیتماز جان ویرر جانانه یارب
.
.
سو نَدور دنیا بویونجا هر سو وار یوخ آبروسی
عاشقین قاندان گرکدور قان اولا آب وضوسی
قانیله قان دستمازین آلدیروب خون گلوسی
سالکین سلکی عبث دور باتماسا القانه یارب
.
.
یوخ سوزوم یانقین اود ایچره اودلانان باغریم آلیشدی
کوسمین ایستکلی اوغلوم قان توکن اوخلا باریشدی
اوخ منه دگدی منیمده قانیمه قانیم قاریشدی
ایستدیم زینت ویریلسون باغلانان پیمانه یارب
.
.
سارماشیخ تک طوق عشقون بوینوما یتدی سریندی
عاشقین اسکیک مقامی خلوت خلد بریندی
عشق دریاسی دریندی بو یارا اوندان دریندی
باخ درین دریایه باتمیش تیغۀ پیکانه یارب
.
.
هر یارانمیش بیر گوز آچسون من یارالیه گوز اولسون
مینلر اصغر تک یارالی باغریقان جیران گوز اولسون
گوز آچان اوخدان بوغازی مین گوز آچسون گوزگوز اولسون
وار یقینیم گوز چوؤرمز گوز تیکر قرآنه یارب
.
.
عالمه پیر دلیلم سن منیم پیر دلیلیم
من خلیل عشقم اوخلار خلد خلّاق جلیلیم
اصغرین خندان دوداقی جلوۀ ذات جمیلیم
جملۀ عشقی ویروبدور گلماقی پایانه یارب
.
.
اَل بوداقینده قوجاقیم قرمزی سولماز گُل آچدی
گُل تیکانسیز اولسا اولماز اوخ تیکانین گتدی ساچدی
گُل سویونجاق دوشدی آشدی ذوقه گلدی رنگی قاچدی
رنگی قاشماق عیب اولونماز بو گل خندانه یارب
.
.
ایستیوبدور کاروان عشقه اوغلوم ملحق اولسون
ملحق اولسون مطلق اولسون ملحق عین الحق اولسون
آی دگلدی واجب اولدی اولدوز اولسون منشق اولسون
تا یتیشسون شوره گلموش باشیله سامانه یارب
.
.
قان یاغیشلار یاغدی منده قان یاغیشدا قانه باتدیم
چوللره آخگین قانیله سیل سولار چایلاق یاراتدیم
یوسف کرب و بلانی من خدنگ عشقه ساتدیم
بو امیدیله یتیشسون مصردن کنعانه یا رب
.
.
آشدی شوریله حجازی یول سالوب دشت عراقه
بیر حسینی نینواسی قاخدی ماهور فراقه
من همایونی همای عاشقی آلدیم قوجاقه
تا پر آچسون قاف سرّ ظاهر و پنهانه یارب
.
.
رخ قویوب رخساریم اوسته پیل فرزین کرامت
قالمیوب قالماز پیاده اسب تاز کوی عزّت
مات اولار عشقیمده دنیا چون منم شاه حقیقت
گلمز عشقیم سن بولورسن هیچ زمان میزانه یارب
.
.
ای یانار اودلاردا یانمیش قویما باغریم اودّا یانسون
«هادی» بیچاره قلبی اود دوتوب اودّا دایانسون
وار یری خامَم بو سوزده اود دوتوب اودلاردا دایانسون
تشنۀ وصلون دل آچماز چشمۀ حیوانه یارب
.
.
.
.
.
#اصغریه_هادی_تبریزی
#اصغریه_شهادت
#تشنه_وصلون_دل_آچماز_چشمه_حیوانه_یارب
#ترکی
.
✍️ #زبدةالاشعار ✍️
.
🆔: @nohe_torki
نظر دهید