زبانحال حضرت زینب (س) در آخرین دیدار با مادر
.
✍️زبدة الاشعار✍️
.
🆔: @nohe_torki
.
مرحوم #فاکر_تبریزی
.
اودم که ترک ایلدی فاطمه بو دنیانی
دوشندی نعشینه آغلار قالان یتیمانی
.
حسینیله حسن آغلاردی دیلده نسگلیله
آنایه دردینی زینب دیردی بو دلیله
.
سنی نه دللریله اوخشیوم بلالی آنا
یارالی قلبیله ای جان ویرن یارالی آنا
.
زمانه ده یوزی بیر لحظه گولمین غمدن
جوانلیقیندا اولان قامتی هلالی آنا
.
گتورمین دیله دردین ئولونجه عالمده
سالان همیشه دله هر یِتَن ملالی آنا
.
غم فراقه دچار ایلدین یتیملرین
دوشوب خیالیوه بسکه آتان وصالی آنا
.
بلالی زینبه مشکلدی درد هجرانون
دوزر ننوعی گورنده یِریوی خالی آنا
.
کیمین سنین کیمی عالمده شوکتی داغیلوب
گئدوب الیندن ایله عزّت و جلالی آنا
.
کیمین آتاسی ئولندن صورا یانوب قاپوسی
آلوبلا حقّینی بی شرم و دون اهالی آنا
.
چتیندی بیرده گوله زینبین یوزی سنسیز
گوره زمانه ده خوش گون یوخ احتمالی آنا
.
سالار ئولونجه خیاله مصیبتین آغلار
حیاتینین یتر اتمامه ماه و سالی آنا
.
مگر چخار بو یادیمدان که ظلم ثانیدن
گوگردی دختر پیغمبرین جمالی آنا
.
آتام علینین ائوینده نقدری غم چکدون
گتورمدون غمین اظهاره ای وفالی آنا
.
همیشه سرور دینه شریک محنتیدون
غمین گورنمزیدون شیر لایزالی آنا
.
نقدری سن واریدون زینبه فراغتیدی
سن اولماسان اولا راحت چتین خیالی آنا
.
اؤزون گئدوب منی قویدون یرینده محنت کش
ندور اؤزوم بولورم امریمین مآلی آنا
.
دئسم سزادی او موقعده عرض ائدوب زینب
که ای حدیقۀ شرم و حیا نهالی آنا
.
اؤرک گوزینده مجسّمدی کربلا دشتی
دوشور حسینون او صحراده یاده حالی آنا
.
وورالّا اوندا که اود خیمه گاهینه دشمن
یانار اود ایچره قالار بیر بولوک عیالی آنا
.
او گیر و داریده گور زینبین نه حاله قالار
ستمله صید اولی یکسر حرم غزالی آنا
.
بویاندا جان وئرر عطشان یارالی قارداشیم
باخار فراته اولار العطش مقالی آنا
.
ئولونجه نسگل اولار زینبه که قارداشمین
گوزونی باغلیان اولماز اولا مجالی آنا
.
گلوب زمانیه « #فاکر» نه دخت زینب تک
مقام و شأنیده نه فاطمه مثالی آنا
.
.
#فاطمیه_شهادت
#او_دم_که_ترک_ایلدی_فاطمه_بو_دنیانی
#سنی_نه_دللریله_اوخشیوم_بلالی_آنا
#ترکی
.
✍️ #زبدةالاشعار ✍️
.
🆔: @nohe_torki
نظر دهید