شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
ابوالفضل عباسی معروفان اهری ( معروف )
.
.
سبک ؛ گلپونه ها …
.
.
ای حیدرین صبر و قراری
آلدین قراری اللریمدن
سنسیزم من یالقیزام من
.
ای محرم اسرار حیدر
اشکیم رواندور گوزلریمدن
سنسیزم من یالقیزام من
.
بیت الحزندور بوش اتاقون
جان یارالی جان یارالی
سالدی منی دیلدن فراقون
جان یارالی جان یارالی
.
.
.
.
.
.
.
آغلار گوزوم دریادی زهرا
سیل سرشکی گوزلریمدن
بیرسیلن یوخ بیر سیلن یوخ
.
منده وطنده بیر غریبم
زهرا سنون تک چوخدی دردیم
هیچ بیلن یوخ هیچ بیلن یوخ
.
نه گویلومی وار بیر آلان نه
بو مرد تنها و غریبی
دیندیرن یوخ دیندیرن یوخ
.
قالدیم الی قوینوندا نیلیم
ای نگاریم ای نگاریم
سنسیز دونوبدور شام تاره
روزگاریم روزگاریم
.
.
.
.
.
.
زهرا ائویم غمخانه اولدی
زینب دییر نوحه حسینیم
سینه داغلار سینه داغلار
.
سولدی غموندن نازلی گللر
اوخشار حسن اوخشار حسینیم
زینب آغلار زینب آغلار
.
پوزقوندی حالی دورت یتیمون
آغلار قالوب بو غمده باشه
قاره باغلار قاره باغلار
.
عطرون گلور نیلیم اتاقون
باغلی قالدی باغلی قالدی
روحیم یانور بو غمده سینم
داغلی قالدی داغلی قالدی
.
.
.
.
.
.
.
سنسیز منه عالم قفسدی
کنج قفسده خسته قوش تک
بی پرم من بی پرم من
.
گللم گجه یاری مزارین
آغوشه آللام قبرین اوستن
گئتمرم من گئتمرم من
.
هیچ گولمدون اون سکگیز ئیلده
هی آغلارام عالمده سنسیز
گولمرم من گولمرم من
.
ای غملرین آماجی زهرا
باغریقانم باغریقانم
صبر و قراریم گئتدی الدن
بی امانم بی امانم
.
.
.
.
.
.
.
ای مونس و همراز حیدر
تنها سنی مشکللریمده
چاره گوردوم چاره گوردوم
.
سینونده هم پهلولرینده
مغسلده من غسلون وئرنده
یاره گوردوم یاره گوردوم
.
بیر گوشوارون بیر یوزونده
یوخدور بیری تنها یئرون من
پاره گوردوم پاره گوردوم
.
یوزدن آخان اشکه قاریشمیش
قانی سیلدیم قانی سیلدیم
عفو ائت منی یارون واریمیش
ایندی بیلدیم ایندی بیلدیم
.
.
.
#سبک_گلپونه_ها
.
#فاطمیه_شهادت
#ای_حیدرین_صبر_و_قراری
#معروف_اهری
#ترکی
.
✍️ #زبدةالاشعار ✍️
.
🆔: @nohe_torki
نظر دهید