در مصائب حضرت زهرا(س)
.
✍️ #زبدةالاشعار✍️
.
🆔: @nohe_torki
.
#سبک_دولدوروب_جهانی …
مشابه
.
مرحوم صحاف تبریزی
.
اود وراندا ثانی باب مرتضایه
باب ظلم آچلدی آل مصطفایه
درگه على یاندی
فاطمه یارالاندى
آغلادی پیمبر
.
.
بیر قاپو که اوندان اذن آلا ملکلر
نه روادی گلسون ثانی ستمگر
ظلم الیله ورسون اود او کینه پرور
شعله سی اوجالسون عرش کبریایه
درگه على یاندی …
.
.
یاندی باب رحمت اود جهانه سالدى
پشت درده زهرا ناله سی اوجالدی
اهل بیت طاها اختیارین آلدی
ناله لر اوجالدی طاق نه سمایه
درگه على یاندی …
.
.
سالدی عرشه لرزه فاطمه نواسی
قاننه بویاندی سقط اولوب بالاسی
سسلسون علینی قویمایدى حیاسی
چاره سیز چاغوردی فضه نی هرایه
درگه على یاندی …
.
.
گل اماندی فضّه نار ظلمه یاندیم
یاندی جسم و جانیم صبرایدوب دایاندیم
محسنیمده ئولدی قانیمه بویاندیم
ویر خبر بو حالی شاه لافتایه
درگه على یاندی …
.
.
حقّدن بو امّت اولدی بسکه غافل
تاپدیلار جسارت فرقه ارازل
اولدیلار قاپومدان بی اجازه داخل
سالدیار منی بو رنج و ابتلایه
درگه على یاندی …
.
.
گلدی فضه گوردی بو اسفلى حالی
موجه گلدی بھر محنت و ملالی
ایلدی او حاله مرتضانی حالی
چوخ چتین او ساعت اولدی مرتضایه
درگه على یاندی …
.
.
تا او وضع و حالی گوردی قدرت الله
ظلمله بویانمش قانه عصمت الله
بُلمورم نه نوعی دوزدی غیرت الله
صبر ایدوب دایاندی بو غم و بلایه
درگه على یاندی …
.
.
توکدی گل عذاره اشگ پربهاسین
یخدی سیل اشکی صبرینون اساسین
سالدی عصمت الله باشنه عباسین
ساکنان عرشی گتدی آه و وایه
درگه على یاندی …
.
.
ای شه ولایت وى ولى ذوالمن
دشت کربلایه گلمدون ندن سن
زینبون آلاندا دوره سینی دشمن
واریدی قیزوندا احتیاج عبایه
درگه على یاندی …
.
.
گوردی آل طاها هیئتی مناسب
اولدیلار صحافه بیر گئجه مصاحب
رقّتیله تحریر اولدی بو مصائب
تا ذخیره اولسون موقف جزایه
درگه على یاندی …
.
.
#فاطمیه_صحاف_تبریزی
#فاطمیه_شهادت
#اود_وراندا_ثانی_باب_مرتضایه
#ترکی
.
✍️ #زبدةالاشعار✍️
.
🆔: @nohe_torki
نظر دهید