آمدن نعش حضرت علی اکبر علیه السلام
.
✍️ زبدة الاشعار ✍️
?: @nohe_torki
.
مرحوم میرزا محمّدتقی قمری دربندی
.
بحر مصیبته گنه طوفان گتورموشم
بزم عزایه ناله و افغان گتورموشم
.
پیشوازه گوز یاشیله خریدارلر گلون
مصر بلایه یوسف کنعان گتورموشم
.
چخسون قباقه زینب خونین جگر دیون
بیر نوجوانی قانینه غلطان گتورموشم
.
یوز قانلو چهره قانلو دولوب آغزی قانیله
باشدان ایاقه قانیله الوان گتورموشم
.
هرگز سکینه گلمه سه آتدان دوشورمرم
گل پیکرین چو شاخۀ مرجان گتورموشم
.
اولسون خبر جوانی ئولن بینوالره
یاس دوتماقا بهانۀ افغان گتورموشم
.
یوخ سینه سینده صاف یری چوخدور یارالاری
آماج زخم نیزه و پیکان گتورموشم
.
یوخ طاقتیم گلون دوشورون اوغلوم اینجیوب
امّتلره ویروب اونی قربان گتورموشم
.
گوزیاشیزی یارالارینون قانینه سپون
لب تشنه جان ویروب لبی عطشان گتورموشم
.
حسرت گوزونی باغلامیون قانیله دولوب
باخسون دویونجا هر یانا حیران گتورموشم
.
گوز باغلیاندا لازمه دور غسلیله کفن
گویا اولوبدی غسلی قزلقان گتورموشم
.
بیمار قارداشین چاغیرون بیرجه یانینه
گلسون تلاوت ایتماقا قرآن گتورموشم
.
واردی باشی بدنده چکون شانه زلفینه
تا اولماسون جداده پریشان گتورموشم
.
شام اهلینه چخاندا تماشایه سویلیون
بدر منیر و مهر درخشان گتورموشم
.
گلزار حسنه ویرماقا زینت بکائیلن
بیر پر شکسته «قمری» نالان گتورموشم
.
#اکبریه_شهادت
#بحر_مصیبته_گنه_طوفان_گتورموشم
#قمری
#ترکی
.
✍️ #زبدةالاشعار ✍️
?: @nohe_torki
نظر دهید