آزادی خرمشهر
.
.
.
رزاقی تبریزی
.
شهر خرمشهری آزاد ایلدی رزمنده لر
ملت ایرانی دلشاد ایلدی رزمنده لر
.
.
امر رهبردن اطاعت ایلیوبلر جان بکف
شوقیله میدان جنگه اوز قویوبلار صف به صف
باش و جاندان گچدیلر تا حفظ اولا دین و شرف
ملت ایرانی دلشاد ایلدی رزمنده لر
.
.
سوم خردادیده اول شیردل رزمنده لر
دلده رمز یاعلی جاندان گچن شب زنده لر
فتح ایدوبلر قان دیارین با صداقت بنده لر
ملت ایرانی دلشاد ایلدی رزمنده لر
.
.
اول منای عشقی دولدوردی هامی پیرو جوان
کربلا اوضاعی اولدی خاک ایراندا عیان
چوخ چتیندور جبهه احوالاتینی ایتماق بیان
ملت ایرانی دلشاد ایلدی رزمده لر
.
.
دشمن خونخواری میهندن کناره سالدیلار
غصب اولونموش یئرلری غاصب الیندا آلدیلار
بوایشه دنیانین اهلی مات وحیران قالدیلار
ملت ایرانی دلشاد ایلدی رزمنده لر
.
.
چوخلاری اول قانلی صحراده اولوب دینه فدا
ائوزلرین ایلوبله دائم قید دنیادن رها
اولدولار قانه باتان جسمیله مهمان خدا
ملت ایرانی دلشاد ایلدی رزمنده لر
.
.
تاویریلدی لشگردین خدایه حکم جنگ
باشلیوبلر حمله نی اول قانلی شهره بی درنگ
تارومار ایلوبله جیش کفری قالموب تیپ وهنگ
ملت ایرانی دلشاد ایلدی رزمنده لر
.
.
گورمیین بیلمز نجه قوپدی قیامت اول زمان
قوزانوردی هرطرفدن توپ و موشک بی امان
اولدی آلله قدرتی اول گونده دنیایه عیان
ملت ایرانی دلشاد ایلدی رزمنده لر
.
.
دلده ذکر یاعلی اول پاسداران دلیر
قوغدولار روبه صفت دشمنلری مانند شیر
ایتدیلر مینلر نفر بی چاره دشمندن اسیر
ملت ایرانی دلشاد ایلدی رزمنده لر
.
.
اول مجاهدلر دل کفاره لرزه سالدیلار
روزوشب توپلار قباقینده مقاوم قالدیلار
ویردیلر باشیله جان آخراوشهری آلدیلار
ملت ایرانی دلشاد ایلدی رزمنده لر
.
.
تا ایشیتدی بو سوزی فرمانده کُلّ قوا
ایتدی فرمایش اولون شاکر اَیا جیش خدا
اولماسیدی لطف حق بو شهر اولمازدی رَها
ملت ایرانی دلشاد ایلدی رزمنده لر
.
.
نچه گون رزاقی دا اول حمله ده تاپدی حضور
اوز گوزیلن گوردی وار حق جبهه سینده عشق وشور
باشلیبدور حمله نی جیش خدا غرق سرور
ملت ایرانی دلشاد ایلدی رزمنده لر
.
.
#3خرداد #ستار_رزاقی
#سوم_خرداد #خرمشهر
#شهر_خرمشهری_آزاد_ایلدی_رزمنده_لر
#ترکی
#زبدةالاشعار
.
نظر دهید