زبدةالاشعار

اولدی سبب اوز عدلی علی تاپدی شهادت #حیدریه_سعدی_زمان

شهادت حضرت على (ع)
.
.
.
مرحوم حسینی سعدی زمان
.
اولدی سبب اوز عدلی علی تاپدی شهادت
تنها نه على ئولدی بوگون ئولدی عدالت
.
.
یابن الحسن ای صاحب احساب و معارج
گل قانینی آل جدّیوی ئولدوردی خوارج
.
.
مین عالم امکان یاراداگرحق یکتا
هیهات على مثلینی بیرده گوره دنیا
محراب عبادتده یخلدی یره مولا
قانه بویانوب صاحب تیغ دوسر ئولدی
علم ئولدی على ئولدی سراسر بشر ئولدی
.
.
افعالی مبرهن ایلین عدل خدانی
اقوالی فصاحتده اولان مصحف ثانی
شخصیّتی حیرتده قویان کون و مکانی
دین گلشنینه تیغی طراوت ویرن ئولدی
بلبلری لال اولدی گل ئولدی چمن ئولدی
.
.
باشلاندى بوگون کوفه ده هنگامۀ محشر
سس دوشدی گلون ئولدی على ساقی کوثر
گویلرده ویروب سس سسه سسلندی ملک لر
ایوای علی ئولدی جهان ظلمیله دولدی
شرع نبوی گلشنینون گللری سولدی
.
.
منهاج حقیقتدن آزوب دوتدی مجازی
بیرحم مرادی یخوب اول میر حجازی
ئلدوردی ولی عالم معناده نمازی
دین ئولدی نماز ئولدی شه بت شکن ئولدی
اسلامه یتوب صدمه على بوالحسن ئولدی
.
.
ای خاک نجف وار نقدر سندہ شرافت
مدفون اولونوب سنده بوتون علم وعدالت
ای مغرب خورشید کمالات و سعادت
باس باغرووا اول هیکل توحید خدانی
خشک ایله یاراسین آخا قویما یوزه قانی
.
.
مختصّ دگول شیعه لره تک بو مصیبت
بیر نابغۀ اعظم ایدوب درک شهادت
ماتم زده دور جمله جهان بشریّت
سسلر هامی دنیاده اولان مرد و زن ئولدی
نوع بشرین مفخری فخر زمن ئولدی
.
.
قاره چکیلوب عرش خداوند جلیله
جنّتده یتوب غصّه مسیحا و خلیله
جبریل گلوب نالیه سسلر بو دلیله
حیرتده منی قویمیان امداد ایدن ئولدی
جبریلی جلیل آدینا ارشاد ایدن ئولدی
.
.
بیر گونده بو جبریل امین دشت بلاده
اعلام خطر ایلماقا ایتدی اراده
سسلندی بویوک ضایعه وار رُکن هداده
ایوای ، حسین ئولدی ، غریب وطن ئولدی
آرام دل فاطمه ، گل پیرهن ئولدی
.
.
ای جدّ «حسینی» آنامین روح روانی
سالما نظروندن بیله سعدیِّ زمانی
ایسته او گوزل قبره هامی اهل عزانی
منظور نظر اولسا سیزه گر بو کلامیم
مولا دیورم من سنه ، سنده دئ غلامیم
.
.
#حیدریه #سعدی_زمان 
#حیدریه_شهادت #آثارالحسینی1
#اولدی_سبب_اوز_عدلی_علی_تاپدی_شهادت
#ترکی
#زبدةالاشعار

متن پیشنهادی:  واردور آتامدان منیم قتلمه فرمان عمو #قاسمیه_عاصی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی