.
✍️ #زبدةالاشعار ✍️
.
🆔: @nohe_torki
.
سید ابوالقاسم نباتی
.
اولدی کؤنلوم یئنه بیر زلف چلیپا دلیسی (1)
دوشدی زنجیره نه خوش یئرده بو سودا دلیسی
.
عور و عریان باش آچیق اوز چؤووروب صحرایه
قویدی مجنونی یاری یولدا بو صحرا دلیسی
.
عاشق سوخته دیر بلبل شیدا کی دگیل
کی اولوبدور دیه سن بیر گل حمرا دلیسی
.
ربّ ارنی دئییلن ذکری دؤنوب موسایه
دشت ایمن ده اولوب نور تجلّی دلیسی
.
چوخلاری مست قیلیب ساقیِ میخانۀ عشق
گؤرمدی کیمسه منیم تک بئله رسوا دلیسی
.
دئمه فرهادیله مجنون دلی دیر بیر بری باخ
بیری شیرین دلیسیدر بیری لیلی دلیسی
.
کنج وحدتده تباه اولی عزیز عمروم حیف
اولمادی یار منه بیر بت زیبا دلیسی
.
خوشلیب دیر گؤره سن هانسی مزارستانی
دیون اول زاهده ای بیر کوکه حلوا دلیسی
.
گول ایاغینده سحر وقتی یخیلمیشدیم مست
بیری سسلندی کی ای بو گول رعنا دلیسی
.
بیر آییل گؤر کی نباتی نئجه اوراد ایلر
نه یاتیبسان بئله ای بیر گؤزی شهلا دلیسی
.
.
(1) در این موضوع بخوانید:
#شکر_لله_کی_کؤنول_اولدو_تجلی_دلیسی از #نصرت_اردبیلی
.
#غزل #نباتی
#غزل_ترکی #ترکی
#اولدی_کؤنلوم_یئنه_بیر_زلف_چلیپا_دلیسی
.
✍️ #زبدةالاشعار ✍️
.
🆔: @nohe_torki
نظر دهید