ادرکنی یا اباعبدالله الحسین (ع)
..
..
حسین شهاب پور اهری
..
..
اولموشام درگه زهراده گدا یا مولا
عاصیم ایله میشم گرچه خطا یا مولا
..
دوت الیمدن منیم ای پادشه بنده نواز
خوار و شرمنده اولام اولما رضا یا مولا
..
فخر قیلام هامیا منده حسین نوکریم
ایله بو نوکریوه بذل عطا یا مولا
..
منی ده قووما قا پوندان شه ذوالجود و کرم
بیلمیشم بو قاپینی باب رجا یا مولا
..
بو قاپی باب شفادور بولورم شیعه لره
هر مریض اولسا آلار درده دوا یا مولا
..
بیر عمور قاره گئیوب منده حسین وای دئمیشم
نی کیمی باشلامیشام غملی نوا یا مولا
..
هریه بیر قاپی گر کعبۀ مقصود اولوب
منه ده کعبۀ دل کرب و بلا یا مولا
..
بیر حسینی که اؤپه خاک درین روح الامین
راضی اولماز اولا شرمنده گدا یا مولا
..
کربلا سنله چاتوب بیر ائله عزّ و شرفه
شوره زاری ائلدون دشت صفا یا مولا
..
ای قتیل العبره جان سنه قرباندی حسین
یار و انصاری ائدن دینه فدا یا مولا
..
اصغرین قونداقینون بندی دَیَر مین سوزومه
اصغره خاطر ائله خلقی دعا یا مولا
..
منه ده ایله نظر ای باشی اللرده قالان
شرمسار ائتمه منی یوم جزا یا مولا
..
کیم «شهابا» دوشه بو درگه مولایه دخیل
اونی مأجور ائده جاق شاه ولا یا مولا
..
..
..
..
#حسینیه #شهاب_اهری #ترکی #حسینیه_مدح #زبدةالاشعار
نظر دهید