وصیّت حضرت امیرالمومنین (ع) به حضرت اباالفضل (ع)
ـ
ـ
✍️ زبدة الاشعار ✍️
?: @nohe_torki
ـ
ـ
ستوده زنجانی
ـ
ـ
مرتضانین سارالوب برگ خزان تک رنگی
هره بیر نوعیله اوخشور ائلیور دلتنگی
آغلور عباس او حسینون اوجابوی سرهنگی
چکیلوب گوشیه سقا قویوب یوز دیواره
گوزونون یاشینی خلوتده توکور رخساره
ـ
ـ
حال اغماده گوز آچدی چاغیروب عباسی
گل بالا یانیمه واردور باشوون غوغاسی
اولاسان بیر گون حسینون سن اوغول سقاسی
سو آغیر قیمت اولار قیمتینی بولّن اوزون
سالاسان یادیوه اوندا آتاوین غملی سوزون
ـ
ـ
دئدی غیرتلی بالا دوت بو حسینون الینی
سنه تاپشوردوم اوغول فاطمه نین سویگلینی
مشگله دوشسه حسینیم آچاسان مشگلینی
اول حسین یاوری ای فارس میدان عباس
آتاوون جانی اولا جانیوه قربان عباس
ـ
ـ
جان سنون جان بو حسینون بونی ترک ائتمه بالا
قویما سن دشمن ایچینده الی قوینوندا قالا
قورخوشا قیزلارینون ناله سی عرشه اوجالا
سنیچون گلسه امان نامه قبول ائتمه اوغول
وئرسه لر قدرت دنیانی چخوب گئتمه اوغول
ـ
ـ
دهریده خلقتوون علتی واردی گوزلیم
بو رسا قامتوون غیرتی واردی گوزلیم
بو اوزون قوللارون قیمتی واردی گوزلیم
انتخاب ایلر آدون چوخلاری رایج اولاسان
شهرتین دهری دوتار باب الحوائج اولاسان
ـ
ـ
دولانار آی گئچر ایل قارداشوا یار اولاسان
بولورم فاطمه نین اوغلونا غمخوار اولاسان
کربلا واردی قباقدا سن علمدار اولاسان
اوجا سرویم اوجالوب قائم اولارسان عباس
قمر ماه بنی هاشم اولارسان عباس
ـ
ـ
صورتیندن ئوپر اون دورت گئجه لیک آی عباس
گلمیوب عالمه گلمز سنه همتای عباس
سنی الله بو حسینیمه وئروب پای عباس
او آلا گوزلره باخدوقجا حسینیم اوجالار
ولی بیر گونده تاپار نیزه لر آلتدا قوجالار
ـ
ـ
بو اوزون قوللار ابوالفضلیم امانتدی سنه
وئرمه بیعت الینی ظالمه پیمان شکنه
سپر اولسون بو الین جان حسین و حسنه
زینبین خوش گونی سنلن دولانار عالمده
گورورم اول گونی قولسوز گزوسن علقمده
ـ
ـ
بو قوی پنجه لرین قطع اولاجاقدور عباس
باشوون کاسه سینه قان دولاجاقدور عباس
زینبین گللری بیربیر سولاجاقدور عباس
من اوگون کرب و بلا دشتینه زوّارم اوزوم
اودلانان خیمه لرین دورینه پرگارم اوزوم
ـ
ـ
آتاوین باشی کیمی سنده باشون پارچالانار
یوزیوی قان بورویر آی بولودا دالدالانار
پیکرون اوستونه اوخ نیزه و خنجر قالانار
باشوون سینماقینی فاطمه اول بوله جاق
یولونی گوزله یقین حضرت زهرا گله جاق
ـ
ـ
پهلوانلار نیه آغلار بونی تک من بیلورم
آغلاما قوی الیوی باشیمه عباس ئولورم
بیلوسن من نیه گوزیاشوی اوغلوم سیلورم
پهلوانلار سنون احوالیوه آغلار عباس
سنکیمی محکم اولانماز اوجا داغلار عباس
ـ
ـ
پهلوانیدی علی قوللارینی باغلادیلار
لاله تک فاطمه نون سینه سینی داغلادیلار
ملکوت اهلی« #ستوده» ائشیدوب آغلادیلار
کعبه اللهینه آند ایچدی یتیملر آتاسی
رستگار اولدی علی توخدامیاندی یاراسی
#حیدریه
#حیدریه_شهادت
#مرتضانین_سارالوب_برگ_خزان_تک_رنگی
#ستوده_زنجانی
#ترکی
✍️ #زبدةالاشعار ✍️
?: @nohe_torki
نظر دهید