زبانحال امام(ع) بعداز شهادت برادرش به علیا مکرمه
.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
قلبیم دوتوب اود ظلمیله یاندی باجی زینب
گل ئولدی ابوالفضلیم اماندی باجی زینب
.
.
گیت خیمه ده یغ عترتیمی باشووه آغلا
ویر من تک اجازه باجی گوز یاشووه آغلا
آچ باشیوی یول زلفووی قارداشووه آغلا
گل نالیه هنگام فغاندی باجی زینب
.
.
نه هجرینه صبر ائتماقا آخر اوره گیم وار
نه آغلاماقا منله باجی بیر کومگیم وار
گئن ائیله خبر هر نه که قاره لچگیم وار
بحر محنیم موج زناندی باجی زینب
.
.
دشمن یتوب آمالینه باجی اولان اولدی
سرویم یخلوب گل اورگیم قانیله دولدی
گلزار علی سولدی گلستانی پوزولدی
بلبلره ده فصل خزاندی باجی زینب
.
.
گوردوم که یاتوب قانیله خوش بستر ایچینده
بیر همهمه امّا واریدی لشگر ایچینده
قویدوم یارالی نعشنی دشمنلر ایچینده
قلبیم اودوکی چوخ نگراندی باجی زینب
.
.
گوردون نقدر اکبریمه یاره وروبلار
یوز ائیله باجی یاره بو بی یاره وروبلار
سالدوقجه بونون امرینی دشواره وروبلار
احوالینه بو مشگ نشاندی باجی زینب
.
.
بو قانه دونن اشگیمه قیل باجی نظاره
بول بیرده تاپولماز داخی بو دردیمه چاره
گیت معجریوی آچگیله سال باشوه قاره
گیچدی او گونون دوری دولاندی باجی زینب
.
.
بو یاره چتین بیرده قبول ائیلیه مرهم
اهل حرمون اولدی سویولماقی مسلّم
باغلا بئلوی سنده اسیر اولماقا محکم
صاحب هنریم قانه بویاندی باجی زینب
.
.
من نعشنه باخجاق اوره گیم یاندی آلشدی
یاتموشدی دورا بولمدی هر قدر چالشدی
زحمتله گلوب نطقه نچه کلمه دانیشدی
آخر سوزی حالیمدن عیاندی باجی زینب
.
.
غم تیری دیمه باغرین اونون دلمدی زینب
هر لحظه چخنجا جانی دنجلمدی زینب
آخر گتورردوم من اوزی گلمدی زینب
بو گلمه ماقین سّری نهاندی باجی زینب
.
.
خونابۀ دل آخسا یری واردی گوزیمدن
نه حالدیم باجی مبر هندی سوزیمدن
بوندانصورا اولدوم داخی مأیوس اوز اوزیمدن
قارداش ئولمی بار گراندی باجی زینب
.
.
هر لحظه باجی حالی مجسّمدی گوزومده
آدین اودی ذکر ائیلرم هر کلمه سوزومده
وئرم سیزیله سس سسه یانّام من اوزومده
عباس منه روح و رواندی باجی زینب
.
.
«عاصی» بو گون آرتوقدی سنون درد و ملالون
علّت اودی پوزقوندی بئله فکر و خیالون
واضح ائدوری حالوی بو طرز مقالون
قلبیم دوتوب اود ظلموله یاندی باجی زینب
.
#عباسیه_عاصی_تبریزی
#عباسیه_شهادت
#قلبیم_دوتوب_اود_ظلمیله_یاندی_باجی_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید