اولموش فرات اوستنده شور محشر #عباسیه_فانی تبریزی

شجاعت حضرت ابوالفضل (ع)
..
..
..
..
عباس داداش زاده (فانی تبریزی) (1)
..
..
..
..
اولموش فرات اوستونده شور محشر
دورت مین قوشون بیر شیرلن برابر
..
گویا قیامتدور بوتون عوالم
آشوب و غوغادن دولوب سراسر
..
بیر سمتده سردار دین ابوالفضل
بیر سس متدهه اشرار کینه پرور
..
بیر سمتده سقای تشنه کامان
بیر سمتده گمگشتگان کافر
..
بیر سمتده شور و صفا و عرفان
ییر سمتده جور و جفا و منکر
..
طوفان اولور موجه گلنده لشکر
باشلار دوشور نهر فراته یکسر
..
جان تک باسوب آغوشینه سو مشکون
حفظنده جهد ایلیر سلیل حیدر
..
تنگ ایلیوب میدان کارزاری
روبه لره اول شیر شیر داور
..
ناگه عدو بیر ظلم ائدیب کمیندن
ساق ال قلم اولدی بسان جعفر
..
غیظه گلیب عباس شیر یزدان
فریاد ائدیب ای قوم پست و ابتر
..
وَاللهُ أِن قَطَعتُمُوا یَمینی
اِنّی اُحامی اَبداً عَن دینی
..
..
لشكر بولون بو صاحب الزماندی
مه عارضی وجه اللهَه بیاندی
..
شمس رخی اللهُ نوره معنی
مشکوة نور حیّ لامكاندی
..
ذاتینده نور حق سرشته اولموش
یوزده صفات کبریا عیاندی
..
خاک رهی کحل البصردی حوره
نور جمالی جلوۂ جناندی
..
عز و جلال و شوکت و کرامت
مهر و وفا و الفته نشاندی
..
سبط نبی زهرایه نور دیده
نفس علىّ مرتضایه جاندی
..
قدّوسیان کرّوبیان ملائک
جن و بشر وصفنده ناتواندی
..
فرمان وئره اجراسینه سراسر
ذرّات عالم کونیله مکاندی
..
سردار دین ارشاده دل آچوبدور
لشکر جوابی تیریلن کماندی
..
گوردی علاج اولماز نصیحتیله
حاکم او یرده تیغ خونفشاندی
..
غیظه گلیب فریاد ائدوبدی لشکر
ساق اَل گیدیب باغریم اگرچه قاندی
..
وَاللهُ أِن قَطَعتُمُوا یَمینی
اِنّی اُحامی اَبداً عَن دینی
..
..
مست اولموشام من بادۀ و فادن
تا کام آلا دل عالم بقادن
..
جانان یولوندا رند می پرستم
مست اولموشام من ساغر ولادن
..
اورگشموشم درس وفا و عشقی
ومکتب سرای پور مصطفی دن
..
لب تشنه یم ظاهر ده لیک جانیم
سیراب اولوب سرچشمۀ وفادن
..
گوردوم جمالون خیمه دن گلنده
مخمور عشقم چهر دلربادن
..
سردار دینم یادگار حیدر
هیجا گونونده قورخمارام جفادن
..
ای فرقۀ کافر بولون که هرگز
ال چکمرم من شاه کربلادن
..
تکرار ائدیب اول شیر دل شعارین
آلدی توان و تاب اشقیادن
..
وَاللهُ أِن قَطَعتُمُوا یَمینی
اِنّی اُحامی اَبداً عَن دینی
..
..
ای قوم کین عباس نامدارم
نام آور میدان کارزارم
..
جانان یولوندا گیچموشم جانیمدان
من عاشقم اسلامه جان نثارم
..
جانیم فدادور شاه عالمینه
دار بلاده رند سر به دارم
..
پیمان بودور جانانیلن وجودیم
دوغرانسادا پیماندا پایدارم
..
دنیا بویی دشمن اولا سراسر
هیجا گونونده شیر روزگارم
..
ئولدورموسوز باران باوفامی
هجران غمینده یار بیقرارم
..
عهد ایتموشم حق اوسته بذل ائدم جان
ای قوم کین عهدیمده استوارم
..
دینه فدا اولماق منیم شعاریم
تا وار نفس پابند بو شعارم
..
وَاللهُ أِن قَطَعتُمُوا یَمینی
اِنّی اُحامی اَبداً عَن دینی
..
..
من عاشم درد و غم و بلایه
جانیم فدادور شاه کربلایه
..
سردار دین سرلشکر حسینم
صاحب لوا سلطان نینوایه
..
من پور شیر بیشۀ شجاعت
من وارثم على مرتضایه
..
وئرمیشدی فرمان شاه مشرقینیم
تحصیل آبه طفل مه لقایه
..
آلدیم فراتین شرعه سین سراسر
دولدورموشام سو، مشک دلربابه
..
دلده واریدی آرزو، سو مشکیم
سالم یته أولاد مصطفایه
..
ناگه ویروب اوخ مشکیمه اوجاتدوز
ناله خیمدن طاق نه سمایه
..
ساق پنجه می سالدوز اگر غمیم یوخ
ای قوم بی دین آند اولا خدایه
..
وَاللهُ أِن قَطَعتُمُوا یَمینی
اِنّی اُحامی اَبداً عَن دینی
..
..
مست اولموشام مست شراب وحدت
مخمور جام بادۀ شهادت
..
جانان یولوندا گیچموشم جانیمدان
تا ایلیم اسلامدن حمایت
..
پاک ائتمرم گر دولسا دشمنیله
بو دشت غم ای فرقۀ ضلالت
..
من زادۀ شیر خدا علیم
عبّاسم و سرحلقۀ شجاعت

من مظهر قهر خدای قهار
من منبع شهامت و رشادت
..
من یادگار میر لافتایم
من وارث على شه ولایت
..
ساق إل فدا اولدی امیر عشقه
تاپدیم بونوعیله عُلُوّ و رُتبت
..
صول الده گیتسه یوخدی ذرّه باکیم
هان! ای گروه کینه و جهالت
..
وَاللهُ أِن قَطَعتُمُوا یَمینی
اِنّی اُحامی اَبداً عَن دینی
..
..
دل وئرمیشم من شاهد السته
سودائیم دلدار می پرسته
..
زنجیری زلف نگار مه رو
افتاده صیدم دست و پای بسته
..
دوتموش طریق میر انس و جانی
دل وئرمیشم چشم خمار مسته
..
من خستۀ تیر نگاه یارم
اولمام خدنگ کینه ایله خسته
..
مین خوشه سنبل دور ره وفاده
سینمده تسر کینه دسته دسته
..
سینماز أراده م جنگده اگر چه
اولسا عمودیله باشیم شکسته
..
اوج ولاده شاهباز عشقم
باش اگمرم خصم پلید و پسته
..
«منعمدی» کایناته شهریاریم
من «فانی »ام أو سرور خجسته
..
اود یاغدیرار شمشیر آبداریم
سیز یاغیان شاه تشنه أوسته
..
امّا منه فرمان جنگ ویرموب
سلطان دین نخل هدایه هسته
..
بیر ال گئدیب مندن ولی وجودیم
هر ذرّه سسلر سیز سپاه پسته
..
وَاللهُ أِن قَطَعتُمُوا یَمینی
اِنّی اُحامی اَبداً عَن دینی
..
..
(1) بنا به درخواست مرحوم منعم اردبیلی سروده شده است.
..
..
..
#عباسیه #فانی تبریزی #ترکی #زبدةالاشعار #عباسیه_شجاعت #عباسیه_شهادت