عرش زین اوسته دوروب حیدرنشان اکبر #اکبریه_مصیبی_تبریزی

شجاعت بی بدیل حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.

#سبک با صدای ابراهیم پور خویی

.
مصیبی تبریزی
.
عرش زین اوسته دوروب حیدرنشان اکبر
یکّه تاز کربلا تندیس پیغمبر
.
فارس ِهیجا – قامتی طوبا
سسلوری ((هَلْ مِن مُبَارِز)) اشبه طاها
.
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
.
اشبه رَفرَف سوار لَیلة الاسرا
خَلقاً و خُلقا ً سلیل سیّد بطحا
یکّه وتنها – قلب میداندا
موجه گلمیش بحر غیظ اکبر لیلا
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
سبط شیر شرزه دور ضرغام دشت غم
قَبضۀ صَمصامی الده جلوۀ خاتم
شهریار عشق – جان نثارعشق
باشلادی بانگ رجز چابکسوار عشق
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
سویله دی وارقانلی پنجه م صولتاً بَبرم
قانیزی توکماقه بو صحراده بی صبرم
باهِرُالنّورم – معدن شورم
شاه دیندن جانیزی آلماقه مأمورم
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
اکبرم من بیشه زا ر عزّته ضیغم
شعله وردی دشت غمده آتش سینم
قُلزُم شاهم – سُطوتُ اللّهم
جانیزا اود سالماقا عباسه همراهم
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
چنگ وورسام قهریله گر تیغ خونباره
چشمه چشمه قان آخار میدان پیکاره
یکّه تازم من – سر فرازم من
گلمیشم جان نقدی الده پاکبازم من
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
قورتاروب تا سوزلرین گوستردی نیروسین
حمله ور اولدی ییخا ظالم لر اردوسین
قاطع و بُرّا – شیرتک غُرّا
برق خاطف تک هجومی تند و رعدآسا
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
تندباد هجمه سی تا لشگره اسدی
بولدیلر یَلْ زاده دی ، هر چند نورسدی
حارب ممتاز – ایلیوب اعجاز
کرکس و زاغ و زغن دور طعمۀ شهباز
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
طارقی سعد اوغلی ائتدی جنگینه مأمور
موصلی پاداشْ قتل اکبره منظور
کینه سی دیلده – نیزه سی الده
نیزه آتدی اکبره اوُل ظالم اوّلده
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
طارقین ردّ ایلیوبدور نیزه سین اکبر
عرش زین اوسته او دم ائتدی قچین لنگر
زینیدن قاخدی – طارقه باخدی
نیزه سین قدرتله جوف قلبینه تاخدی
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
طارقی آتدان سالوب تا فارس ِ کرّار
ایکّی اوغلی گلدی جنگه چکدیلر زنگار
یَل یَل دوران – وئردی بیر جولان
طارقین اوغلانلارین بیربیر سالوب آتدان
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
تیغ عریانی عجب مرگ آفرین اولدی
کیم گلوبدور جنگینه نقش زمین اولدی
وارث حیدر – دشمنین پی لر
بو هله اکبردی گور عباس آقام نیلر
((یرلر دیئر ؛ مرحبا اکبر
گویلر دیئر ؛ مرحبا اکبر))
.
.
.
#اکبریه_شجاعت
#عرش_زین_اوسته_دوروب_حیدر_نشان_اکبر
#مصیبی_تبریزی
#ترکی
.
✍️ #زبدةالاشعار ✍️
.
🆔: @nohe_torki