زبانحال حضرت امام حسین ع در بالین فرزند
..
..
ناطق اردبیلی
..
..
ای یوسفیم علی کنعانه دور گیدک
پیراهنون باتوب آلقانه دور گیدک
..
..
سن سسلدون منی گلدیم هرایه من
دوشدوم بالا عجب غمده بلایه من
سن سیز نجه گیدوم خیمه سرایه من؟
حسرت باخار آنون هر یانه دور گیدک
..
..
بیر لحظه دوزمدی قلبیم فراقوه
یعقوب پیرووَم گلدیم سُراقوه
توکدوم گوزوم یاشین عطشان دوداقوه
اشگیله سو ویرم عطشانه دور گیدک
..
..
یعقوب تک على قلبیم شکسته دور
گورّم وجودوی مجروح و خسته دور
صدپاره پیکرون قوملارون اوسته دور
وار بنذرون گل الوانه دور گیدک
..
..
حسرتله گوز تیکوب لیلا باخور یولا
یاتما ایاقه دور ای یوسفیم بالا
اولما رضا آنون چوخ منتظر قالا
گوستر جمالون اؤل نالانه دور گیدک
..
..
گرچه او یوسفه زندان اولوب مقام
یعقوبه ویردیلر آخرده خوش پیام
من آغلارام سنه یانّام على الدّوام
آغلار بو حالیمه بیگانه دور گیدک
..
..
بیلدیم دگوبدی چوخ پیکان یارالوسان
گتدیم گوزوم یاشین درمان یارالوسان
قان قویمیور گوروم هاردان یارالوسان
صدپاره دوشموسن میدانه دور گیدک
..
..
قویدوم دوداقوه عطشان دوداقلاریم
اخیامه گیتمگه گلمز ایاقلاریم
گوزلر سنون یولون خوردا اوشاقلاریم
خیمه سرا اولوب غمخانه دور گیدک
..
..
بیچاره دور آنون آرام جانی سن
روح و روانی سن تنها گمانی سن
بو غربت ئولکه ده سن همزبانی سن
سالما او بی کسی هجرانه دور گیدک
..
..
ای مبدا ادب خُلق پیمبریم
هرگز یانیمدا سن یاتمازدون اکبریم
گورّم یارالوسان ای ماه منظریم
یتمز بو یاتماقون نقصانه دور گیدک
..
..
لیلانی قویموشام آغلار خیامیده
آهیله سینه سین داغلار خیامیده
زلفیله یاروی باغلار خیامیده
گر یتمسه الى درمانه دور گیدک
..
..
فکر ایلمه اوغول ئولسون بو چولده سن
غسلون اولور قانون یارون اولور کفن
بی فاصله بالا گلّم دالونجا من
جسمیم اولور نشان پیکانه دور گیدک
..
..
یارب سنی قسم ویرّم پیمبره
عفو ایله «ناطقی» اول تشنه لبلره
اول وقته که حسین سؤیلردی اکبره
ای یوسفیم علی کنعانه دور گیدک
..
..
#اکبریه #ناطق_اردبیلی #اکبریه_شهادت #ترکی #زبدةالاشعار
نظر دهید