زبانحال مادر حضرت علی اکبر (ع) هنگام وداع
.
#زبدةالاشعار
.
: @nohe_torki
.
#سبک_بیا_یابن_الحسن_آرام_جانم … 3 سبک
مشابه
پخش‌کننده صوت
.
مرحوم صافی تبریزی
.
اولوبسان عازم میدان ، اوغول گیت
آنان لیلا سنه قربان , اوغول گیت
((گوزون قربانی اوغلوم
منه چوخ باخما یانما
بؤیون قربانی اوغلوم
داخی دورما دایانما))
آنان لیلا سنه قربان , اوغول گیت
.
.
گوروب گوزلور یولون بو قوم کینه
وئروب رخصت سنه شاه مدینه
اونا باخما یانوب آغلار سکینه
منیمده اشگیم اولسا قان ، اوغول گیت
.
.
سنه باخدوقجا من حیرانون اوللام
دولانام باشوا قربانون اوللام
آلوب دردون بلا گردانون اوللام
منی ایله بلا گردان ، اوغول گیت
.
.
بولورسن یوخ علی سن سیز پناهیم
سنیدون بیر منیم امیدگاهیم
یری وار گر چخا افلاکه آهیم
رضایم ایلمم افغان ، اوغول گیت
.
.
نه سن سیز ایلرم من سیر بستان
نه سیر سرو و سنبل نه گلستان
سر زلفون کیمی اولام پریشان
دایانما ای گل خندان ، اوغول گیت
.
.
اوتور بیرجه دولانیم باشوا من
دویونجا سیر ایدوم گوز یاشوا من
اولوم قربان گوزل گوز قاشوا من
گورنمم گوزلرون گریان ، اوغول گیت
.
.
بو زلفه گل ووروم من بیرده شانه
که مرغ روحه اولسون آشیانه
الیمده قالسا زلفوندن نشانه
اولور هر مشکلیم آسان ، اوغول گیت
.
.
گرک سُرمه چکم من چشم مسته
وئرم چشمون نشان هر بت پرسته
دالونجا منده گلّم دست بسته
اولا گر منزلیم ویران ، اوغول گیت
.
.
بو جسمون دوشسه میدانه رضایم
قانون گر آخسا هر یانه رضایم
بویانسا کاکلون قانه رضایم
شکایت ائتمرم بیر آن ، اوغول گیت
.
.
بو چشم مستی من گریان گورَنمَم
بو غنچه لبلرون عطشان گورَنمَم
دوروبدور منتظر عدوان گورَنمَم
بو سن بو نیزه بو پیکان ، اوغول گیت
.
.
نه ناله ایلرم نه داده گلَّم
دالونجا شامه ای شهزاده گلَّم
گوروب زلفون اوغول افتاده گلَّم
گھی افتان گهی خیزان ، اوغول گیت
.
.
گوتورمزدیم اگر چه گوز گوزوندن
دویانمازدیم سنون شیرین سوزوندن
اجازه وئر ئوپوم بیرده یوزوندن
گراندور محنت هجران ، اوغول گیت
.
.
.
.
#اکبریه_صافی_تبریزی
#اکبریه_شهادت
#اولوبسان_عازم_میدان_اوغول_گیت
#ترکی
.
#زبدةالاشعار
.
: @nohe_torki
نظر دهید