زبانحال امام حسین (ع) در بالین برادر
.
✍️ #زبدةالاشعار ✍️
.
🆔: @nohe_torki
.
#سبک_بزم_عزاده_گیمیشم …
.
حاج حسین حسنی تبریزی
سنسیز چوخالدی قلبده غملریم قارداش
قالدی بئلیمده عاقبت اللریم قارداش
آرخام ایلیم سندی بلیم وای علمداریم
.
.
دعواده ئولسه بیر شهین گر علمداری
بازوسی قوتدن دوشر ئولسه سرداری
سنسیر منه حمله ایدر کوفه اشراری
گیتدی باشیمدان بیر به بیر لشگریم قارداش
.
.
یاتما بوقان ایچره اویان آچ گوزون قارداش
آخر گجه اولدی بو گون گوندوزوم قارداش
بیر بیر بیان ایله منه وار سوزون قارداش
قانیاش توکر رخساریمه گوزلریم قارداش
.
.
جاریدی یوزده گوز یاشیم قالموشام یالقوز
سنسیز کیمیله آغلاشیم قالموشام یالقوز
وردیم اولوب وای قارداشیم قالموشام یالقوز
نیلوم دلیمده اولموسان ازبریم قارداش
.
.
جنگ ایتموسن از بس بو گون اولموسان خسته
یورقون دوشوبسن یوخ سوزوم دیللن آهسته
قارداش یارالی باشوی قوی دیزیم اوسته
سیلسون گوزوندن لخته قان اللریم قارداش
.
.
یاندرما قارداشون بیله سوز آهوندان
قارداش بو نه قاندور آخور سجده گاهوندان
زهرا آقام عطری گلور قتلگاهوندان
دیداریوه گلمیش یقین مادریم قارداش
.
.
یوخدور بولورسن بیر نفر یار و انصاریم
قالدى علم یرده ئولور چون علمداریم
کیمدور گله امدادیمه یوخ هواداریم
نه واردی قاسم نه قالوب اکبریم قارداش
.
.
گرچه باتوبسان سر به سر یوخ سوزوم قانه
رحم ایله قارداش دور گیداخ بو پریشانه
زینب باجیم ایندی گلر قانلی میدانه
بیز گئتمه ساق ایندی گلر خواهریم قارداش
.
.
آخر نجه سنسیز گیدوم من پریشانم
لشگر شماتت ایلوری دیده گریانم
الدن گیدوب یاورلریم باغرى القانم
قالمور کمیکلوق ایلین یاوریم قارداش
.
.
دوشدی بلایه گور نجه بو باشیم ایوای
یوزده آخوب نقش ایلوری گوز یاشیم یوای
وردیم اولار سندن صورا قارداشیم ایوای
دوشدی باشمدان خورد اولوب افسریم قارداش
.
.
ای شیر حقین مظهری حیدر ثانی
الوان ایدوبدور صورتون باشوین قانی
جلوه ایدر گوزده آتام قارداشیم جانی
گویا دوشوب محرابیده حیدریم قارداش
.
.
.
#عباسیه_حسنی_تبریزی
#عباسیه_شهادت
#سنسیز_چوخالدی_قلبده_غملریم_قارداش
#ترکی
.
✍️ #زبدةالاشعار ✍️
🆔: @nohe_torki
نظر دهید