زبدةالاشعار

دوستان ماتم دوتوب شاه شهیدان یاری گئتدی #پندیات_قیزیل_قلم

به یاد استاد حاج داود #بیدقداری (داور)
.
.
قیزیل قلم
.
.
دوستان ماتم دوتوب شاه شهیدان یاری گئتدی
ذاکر و مداح و شاعر، هیئتین دلداری گئتدی
.
چوخ تئز آیریلدی بیزی آغلار قۇیوب خالص حسینچی
یار و یولداش آغلئیور “داود” [بیدق‌داری] گئتدی
.
بیرق شاه شهیدانی دولاندیردی قلم‌ده
قاره‌پوش ائتدی بیزی قالدی گؤزل آثاری گئتدی
.
بیر ادیب فاضل و دانش‌پژوه پاک طینت
نظمه چکدی سوز و سازیلن قوی اشعاری گئتدی
.
با ادب استاد دانشگاه و مرد دین و دانش
ماتمه غرق ائیله‌دی بیر عده دانشیاری گئتدی
.
حیف اولا قید حیاتین‌ده بیرآز گمنام قالدی
باغلانیب عمر گهرباری بۆکۆب طوماری گئتدی
.
خوش سسیلن اوخشادی مولا حسینی عارفانه
دیلده نام حضرت عباسی قیلدی جاری گئتدی
.
اهلبیتین باصفا بیر شاعری “داور” تخلص
یاور و یار صدیق کربلا زواری گئتدی
.
حاج ‘داوودین’ چاتدی رحلت نغمه‌سی قلبیم آلیشدی
شاعران اهلبیتین گوهر شهواری گئتدی
.
روحو شاد اولسون مقامی جنت‌الاعلا ایچینده
قلب‌دن تاب و توان گؤز یاشلاری اجباری گئتدی
.
عرض ائدیر ‘ستاری‌ده’ جمله حسینی‌لر دیلیجه
دوستلارین آغلار قۇیوب «داود‌بیدقداری» گئتدی
.
.
#پندیات_قیزیل_قلم #بیدقداری #ترکی #زبدةالاشعار

متن پیشنهادی:  قانه محرابینده غرق اولدی علی المرتضا #حیدریه_جوانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی