زبانحال حضرت صغری (س) در خروج از مدینه
.
✍️ #زبدةالاشعار ✍️
.
🆔: @nohe_torki
.
#سبک_بیا_یابن_الحسن_آرام_جانم … 3 سبک
مشابه
.
مرحوم دلریش
.
اولوب سنسیز بو گوگلوم قان برادر
عجب وقته گلوبسن جان برادر
عجب تاپدوم سعادت
نه خوش وقتدور بو ساعت
گوزون قربانی قارداش
منی ائتدون عیادت
اولوب سنسیز بو گوگلوم قان برادر
.
.
گئجه گوندوز خیال خطّ و خالون
اریتدی جانیمی بدر جمالون
هلال آسا علی طاق هلالون
اگوب قدّیمی چون چوگان برادر
.
.
سرشک آلیمی گور چشم ترده
امید بازگشت یوخ بو سفرده
گرک بوندان صورا هر رهگذرده
ائدم گه ناله گه افغان برادر
.
.
عراقه گئتمگه یوخ منده قدرت
بو هجرانه ائدوم نه نوع طاقت
آناسیزلیق غمیندن چوخ شکایت
واریمدور من سنه قربان برادر
.
.
وئرورسن مژدۀ بیماره گللم
گلینجه سن بو حسرتله من ئوللم
یتم بیرده چتین دیداره بوللم
بو الدور ایندی بو دامان برادر
.
.
گورنده اؤز گولون بلبل چمنده
دولانور باشینه قوی باری منده
دؤنوم بیر باشیوه بو انجمنده
دخیلم وصل اولور هجران برادر
.
.
علی باخدوقجا بو قدّ رسایه
یخیلّام ایلرم تکیه عصایه
سورونّم گئتسن آردونجا چو سایه
یوز اوسته ای مه تابان برادر
.
.
اولور نسگل بو محزون حزینه
اولوب همره سنه باجیم سکینه
گئجه گوندوز او ماه بی قرینه
دولانور باشیوا هر آن برادر
.
.
کسیلدی چاره سی بو ناتوانون
انیسی قالمیوب بو باغریقانون
دالیسیجا گلور بو کاروانون
گهی افتان گهی خیزان برادر
.
.
قالور بوندان صورا بو غم کشیده
گوزی یوللاردا بو قدّی خمیده
توکر رخساره هر دم اشک دیده
بسان قطرۀ نیسان برادر
.
.
توکر گوز یاشی هر کیم بو عزاده
اولور آسوده دل روز جزاده
بو دلریشی چاغور کرب و بلاده
اولا بیر اربعین مهمان برادر
.
.
#حضرت_صغری
#اولوب_سنسیز_بو_گوگلوم_قان_برادر
#ترکی
.
✍️ #زبدةالاشعار ✍️
.
🆔: @nohe_torki
نظر دهید