در ضربت و شهادت حضرت امیرالمومنین علیه السلام
…
حاج علی زلفی تبریزی
…
اولوب شیعیان دیده تر باغریقان
باتوب قانینه سرور مومنان
یر اهلی گلوب شوره ایلور فغان
قان آغلور بو ماتمده نه آسمان
علی یا علی یا علی یا علی….
علی وا صداسی دوتوب عالمی
پوزوپ خلدیدا حضرت خاتمی
حسن قانلی محرابیده همدمی
دوتوب قان سراپا شه اعظمی
علی یا علی یا علی یا علی…
یخوب خانه دینی اهل عناد
اولیدی فنا فرقه کین نهاد
مرامه چاتوب قدر یوم معاد
دوشوب قانلی محرابه میر عباد
علی یا علی یا علی یا علی…
ندا گلدی جبریله” روح الامین
اوزون آگه ایت بولسون اهل زمین
نماز اوسته ضربت لنوب شاه دین
اولوب دلشکسته او مسند نشین
علی یا علی یا علی یا علی…
دوشوب کونه لرزه قان آغلور سما
محاقه دوشوب آی گون ایلوب نوا
ملائک دیوب جمله وا حیدرا
علی سویلیوبدور بلایه بلی
علی یا علی یا علی یا علی…
بولوب مطلبی زینب خونجگر
سولان عارضه یاغدیروب اشک تر
دیوردی بابام نیلمیشدی مگر
گواه اول اوزون قادر دادگر
علی یا علی یا علی یا علی….
دایان زلفی بو شعره ویر خاتمه
قوشول اهل عشقه بویان ماتمه
بیان ایله دردون شه اعظمه
بو وردی اولونجه ایله زمزمه
علی یا علی یا علی یا علی….
#سبک
#حیدریه_ماه_رمضان
#حیدریه_شهادت
#اولوب_شیعیان_دیده_تر_باغریقان
#زلفی_تبریزی
#ترکی
#زبدةالاشعار 
: @nohe_torki
نظر دهید