زبان حال مادر حضرت على اکبر (ع ) هنگام وداع
..
..
فرقانی (محبی)
..
..
کوی عشقده عشقیله بوگون
قانه باتماسان برملا اوغول
ویرمه سن باشون دین یولوندا گر
سندن اولمارام من رضا اوغول
..
..
خوشدلم گورم ویرموسن سوسوز
حق یولوندا کفاره بوباشون
پیکرون اولوب ثابت ای اوغول
تا اولا چو سیاره بوباشون
چون چکلّه بوکوفیان على
ظلمیله سنون داره بو باشو
پای دارده گللم اوندا من
ایلرم فغان و نوا اوغول
..
..
..
گوز یاشیم گورورسن بو عارض
زردیمه اولوب چشمه سار آخار
ایلمه تصوّر من آغلورام
خون دلدی بی اختیار آخار
جوش ایدر آنالیق محبتی
گزلدنمورم آشکار آخار
باخما بو آخان اشک آلیمه
حق رضاسیدور قوی آخا اوغول
..
..
..
گلشن وفا باغبانیدور
بو شهنشه ملک ماسوا
یوخ صفاسی سنسیز بو گلشنون
ای طراوت گلشن وفا
گل جمالوی قانیله بویا
ویر بو گلشنه رونق و صفا
اى جمالی بو گلشن غمه
زینت و شکوه وصفا اوغول
..
..
..
چکدی گتدی هر چند بوچوله
لیلینی قضا و قدر على
شکر لله اولموبدی چکدیقیم
زحمت و جفالر هدر على
خوشدلم که خوشدی خدایه چون
یتسه ابتلا هر قدر علی
مین سنون کیمی اوغلوم اولساگر
ایلرم بویولدا فدا اوغول
..
..
..
باخما چکموشم نچه ایل سنون
زحمتون بو حدّه یتورموشم
بیرده قلبیمون اضطرابینه
باخما ئوز ئوزیمی ایتورموشم
چون شهادته رهسپارسن
گیدیرم کفن من گتورموشم
کیم گوروبدی عالمده بیر آنا
گیدیره کفن اوغلونا اوغول
..
..
..
ایسترم وورام شانه زلفیوه
قورخورام الیم تیترسه دوشه
بیرده قورخورام شانه بند اولا
بیر تلین تلیندن کسه دوشه
ائل قبیله یانندا نیلرم
بو خبر علی گرسَسَه دوشه
کیم وورانمادی شانه لیلی ئوز
اوغلونی سالاندا یولا اوغول
..
..
..
خون دل یدیم هر زمان علی
اشک چشمه ایمدی قاتام گرک
یاتمادیم اوزون مدت هر گجه
بستر غمونده یاتام گرک
دامن وصالوندان اوزسَم ال
ماسوانی گوزدن آتام گرک
ای وصالی آرتوق فراقدن
یاندوران منی بر ملا اوغول
..
..
..
چخموسان ئولوم پیشوازینه
گیت اولوم فدا اشتیاقوا
باری گتمه میش قوی اؤپوم اوغول
گوزلرون قویوم یوز ایاقوا
بیرده قوی دوروم باشوه دؤنوم
یانمادان قاباق من فراقوا
نار هجرده یانّام آغلارام
حسرتیله سندن صورا اوغول
..
..
..
گیت بو لشکرین هر نه وار اوخی
جان کیمی آلوب سینه وه گوتور
هم ثبوت شقّ القمر ایله
باشون اوسته واضح نشان گتور
قانوی ولی قاتما دشمنون
قانینه ئوزون خیمیه یتور
ایلیوم معطّر بو زلفوی
هم یاخوم او قاندان حنا اوغول
..
..
..
گیت بویون بلاسین آلوم بالا
بیرده سن خیامه گلنمه سن
یاره چوخ وورار بوللم اشقیا
بیرده سن خیامه گلنمه سن
گرگتورمه سه شاه کربلا
بیرده سن خیامه گلنمه سن
منده قتلگاهه گلنمرم
ایلرم او شهدن حیا اوغول
..
..
..
گیتمه بیر تماشا ایدوم على
بیر دویونجا بو خطّ و خالیوه
قالّام حشره تک حسرت آغلارام
بی بدل پیمبر جمالیوه
گورنه قویموسان آل حیدری
یانه یانه آخر بو حالیوه
ای جهاندا بو آل هاشمه
یادگار خیرالورا اوغول
..
..
..
#اکبریه #فرقانی_محبی #اکبریه_شهادت #ترکی #زبدةالاشعار
نظر دهید