زبدةالاشعار

جان پیمبر قیزی معصومه دی #حضرت_معصومه_اکبر_پورآقا

یا حضرت معصومه (س)
.
✍️ زبدة الاشعار ✍️
.
🆔: @nohe_torki
.
اکبر پور آقا
.
جان پیمبر قیزی معصومه دی
حضرت حیدر قیزی معصومه دی
ساقی کوثر قیزی معصومه دی
موسی جعفر قیزی معصومه دی
باب حوائجدی آدی عالمه
صدقیله فریاد ایله یا فاطمه
.
.
برج ولا اختری معصومه دی
فاطمه ی دیگری معصومه دی
شاهیمیزون خواهری معصومه دی
ملکیمیوزون سروری معصومه دی
گنبدینه زائر ایدور زمزمه
قربان اولوم قبریوه یا فاطمه
.
.
آدی گلنده آپارور غملری
واله ایدور حوریلن آدملری
رشکه سالور هاجر و مریملری
رتبه ویرو، بیش ایلیور کملری
داشه نظر ایلسه غوغا ایدر
بهجتی دنیایه مسیحا ایدر!
.
.
قدری تحیرده قویوب عالمی
قبری تکاپویه سالور آدمی
آیت العظمی یارادور هر دمی
گنبدینون اوسته اسور پرچمی
پرچمینون نقشی بودور برملا..
..حضرت سلطان خراسان؛ رضا
.
.
نقل ایلیور بو خبری بیر نفر
چون سندی واردی اولوب معتبر
حضرت صادق بیزی ایلوب خبر:.. (1)
..قمدا نَوَه م دفن اولاجاق خونجگر
مرقدینون دورینه صف باغلیون
گرم ایلیون یاسینی سیز آغلیون
.
.
عرض ایدورم سیدنا عفو ایله
عشقیدی بو قلبیمیز ایلور گله
دوزدی که قمدان تاپورام فاصله
آختارورام شامیده بیر قافله
قم نه عزیز ایتدی رضا کوکبین؟
شامیده گور فاطمه نون زینبین
.
.
قوللارینی باغلادیلار ویردیلار
قلب ایوینی داغلادیلار ویردیلار
یولدا نه چوخ ساخلادیلار ویردیلار
تا بالالار آغلادیلار ویردیلار
داشلار اونون قلبینی یاندیردیلار
قارداشینی قانه بویاندیردیلار
.
.
1_ عَنِ الصَّادِقِ ع قَالَ: إِنَّ لِلَّهِ حَرَماً وَ هُوَ مَكَّةُ وَ لِرَسُولِهِ حَرَماً وَ هُوَ الْمَدِينَةُ وَ لِأَمِيرِ الْمُؤْمِنِينَ حَرَماً وَ هُوَ الْكُوفَةُ وَ لَنَا حَرَماً وَ هُوَ قُمُّ وَ سَتُدْفَنُ فِيهِ امْرَأَةٌ مِنْ وُلْدِي تُسَمَّى فَاطِمَةَ مَنْ زَارَهَا وَجَبَتْ لَهُ الْجَنَّةُ؛
.
امام صادق عليه السلام: خدا را حرمي است و آن مكه است، پيامبر را حرمي است و آن مدينه است، اميرالمومنين را حرمي است و آن كوفه است و براي ما حرمي است و آن قم است و در آن خانمي از فرزندان من به نام فاطمه دفن خواهد شد، هركس وي را زيارت كند پاداشش بهشت خواهد بود.
.
بحارالأنوار ج : ۹۹ ص : ۲۶۶

متن پیشنهادی:  ای دلیل خلقت عالم خانم یا فاطمه #فاطمیه_ولایی_زنجانی

.
#حضرت_معصومه_مدح
#جان_پیمبر_قیزی_معصومه_دی
#اکبر_پورآقا
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی