او گجه …
.
✍️ #زبدةالاشعار ✍️
.
🆔: @nohe_torki
.
عیسی ثاقب بخشایش
.
او گجه آسمان يثربده
آی بلوت آلتدا گيزلديردی ئوزون
.
بی صدا يل اسوردی سرگردان
گوش دهره اوخوردی غصّه سوزون
.
غم اجاقينده ياندريردی قضا
شرر ابتلاده سينه کوزون
.
شَطّ شوقی بلا قوروتموشدی
معرفت چشمه ايلميشدی گوزون
.
.
شدّت غصّه دن زمين و زمان
گردش ايلوردی مات و سرگردان
.
.
.
.
او گجه آسمان يثربدن
النوردی ترابه گرد محن
.
غرق خواب خوشيدی ايولرده
غفلتيلن تمام اهل وطن
.
هامی ياتمشدی ياتمامشدی هله
جُغد شوم نفاق و کين و فتن
.
بله بير شام پُر محن هرگز
گورميوب هيچ زماندا چشم زمن
.
.
غصه¬ دن قلب دهر تنگيدی
پای هستی يريشده لنگيدی
.
.
.
.
او گجه ماجرای محنتدن
آسمان ماتيدی زمين مبهوت
.
ناله ايلوردی عرشيان يکسر
شيون ايلوردی عالم ناسوت
.
ناگهان بير يانان قاپی آچيلوب
نيمه ی شبده سندی جوّ سکوت
.
او يانان دربيدن اولوب خارج
دوش احباب اوسته بير تابوت
.
.
اوندا کوه وقار ياتمشدی
عصمت کردگار ياتمشدی
.
.
.
.
گجه نين عالمی قرانلقدا
يار حيدر ايدوردی عزم سفر
.
نه مسافر که گتماقين هرگز
ايلموردی دل علی باور
.
او مسافر داليجا سو يرينه
هی گوزوندن سَپوردی خون جگر
.
روح هستی گدوردی قبر ايوينه
اونی تشييع ايدوردی يدّی نفر
.
.
آز قالوردی که ضعف حالتدن
يخلا يولدا شير خيبر کن
.
.
.
.
ناله لر سينه لرده حبسيدی
ديده لردن آخوردی لعل مُذاب
.
يولدا گِتدوقجا هر قدم مولا
شمع آسا اولوردی غمدن آب
.
داغ سنگين فرقت زهرا
قويمامشدی ابوترابيده تاب
.
ديزی گلموردی گِتماقا اما
چاره سيز لقدان ايليوردی شتاب
.
.
آغليا آغليا او شاه غريب
يول گئدوب ايليوردی درده شکيب
.
.
.
.
مدفنه حمل اولوبدی گيزلينجه
ماحصل نيمه شب او مفخر حور
.
سينه سين چاک ايدوبدی خاک بقيع
اولا تا دفن اوندا آيه ی نور
.
گوردی مولا گئدور نگار الدن
يار دلداريدن اولور مهجور
.
ديدی آغلار گوزيله اصحابه
اولون السّاعه سيزده مندن دور
.
.
گئدوب انصار آه و زاريلن
تک قويوبلار نگاری ياريلن
.
.
.
.
قالدی بير مرتضی و جسم بتول
زينت افزا ديار خاموشه
.
گوردی ابراز درده فرصت يوخ
گوز ياشی سيل تک گلوب جوشه
.
چکدی دلدن بير آه حسرت بار
باخدی بير دلبر کفن پوشه
.
جان کيمی جان عالم هستی
يارالی يارين آلدی آغوشه
.
.
اَریَن جسمی اللری اوسته
ئوز ئوزیلن دیوردی آهسته
.
.
.
.
من گرکدور بو نيمه شبده خدا
پيکريمدن لباس وصلی سويوم
.
گلميوم داده آغليوم سس سيز
تير آهيمله قلب دهری اويوم
.
واريمی گيزلديم بو توپراقدا
درد اليندن بو يرده جانه دويوم
.
هاموسی سهلدور و ليک نجه
بو گوگرميش يوزی ترابه قويوم
.
.
هر نه دن باش منه بو محنتدی
مصطفادن علی خجالتدی
.
.
#فاطمیه_شهادت
#او_گجه_آسمان_يثربده
#ثاقب_بخشایش
#ترکی
.
✍️ #زبدةالاشعار ✍️
.
🆔: @nohe_torki
نظر دهید