او گونکه اوخلادیلار اصغری سپاه شرار #اصغریه_بیخود_سرابی

زبانحال حضرت رباب (س)
بعد از شهادت علی‌ اصغر (ع)
#بالاسی_اوخلانان_آهو_کیمی_چولی_ملرم
.
.
مرحوم بیخود سرابی
.
.
او گونکه اوخلادیلار اصغری سپاه شرار
امام خیمیه قیتردی شرمسار و فکار
کمال یأسیله ویردی ربابه زینب زار
آلوب او غنچۀ خندانی ایتدی زیب کنار
دیدی علی آنان اُلسون نقدری عمریم وار
بالاسی اوخلانان آهو کیمی چولی مَلرم
بو قانلو قنداقیوی گاه آچوب گهی بَلرم
.
.
خجالت اولدیم علی اولمادی سویا امکان
سوسوزلوق آتشینه یاندون ایلدون افغان
بو فکریله سنی میدانه یولّادیم عطشان
ویرولّه اهل جفا سو ولیک ویردیله قان
بو نسگلون علی هرگز چخاتمارام یاددان
بالاسی اوخلانان آهو کیمی چولی مَلرم
بو قانلو قنداقیوی گاه آچوب گهی بَلرم
.
.
علی او اَلکه سنی ظلم اوخیله ایتدی قتیل
بویاندی قرمزی قانیله بو عذار جمیل
یقین جزاده آلار دادینی خدای جلیل
ولی من ایتمرم عمرومجه ناله ‌دن تحقیل
بودور صریحی حیاتیم اگر اولا مین ایل
بالاسی اوخلانان آهو کیمی چولی مَلرم
بو قانلو قنداقیوی گاه آچوب گهی بَلرم
.
.
ویروبدی هر آنا بیر گُل بو گون بو گلشنده
بو غصّه روحیمی معناده ایتدی شرمنده
هزار شکر یتشدون شهادته سنده
حضور شهده منی ایتمدون سرافکنده
سنیله عهد ایلدیم هر قدر وارام منده
بالاسی اوخلانان آهو کیمی چولی مَلرم
بو قانلو قنداقیوی گاه آچوب گهی بَلرم
.
.
علی فغانیله «بیخود» دَگل دولوب خرگاه
ایدوبله ظلمده طغیان بو لشگر گمراه
بو اوخ یاراسی بو نازک بوغاز هزاران آه
اودور که من دوتارام خالق جلیلی گواه
نقدری وار نفسیم ای سپهر عمریمه ماه
بالاسی اوخلانان آهو کیمی چولی مَلرم
بو قانلو قنداقیوی گاه آچوب گهی بَلرم
.
.
#اصغریه_شهادت
#حضرت_رباب #اصغریه
#او_گونکه_اوخلادیلار_اصغری_سپاه_شرار
#بو_قانلو_قنداقیوی_گاه_آچوب_گهی_بلرم
#بیخود_سرابی
#ترکی
#زبدةالاشعار