او گون که خانۀ ایمانی یخدی لشکر کوفه #تنور_خولی_سعدی_زمان

شام غریبان-تنور خولی
.
.
مرحوم حسینی سعدی زمان
.
.
او گون که خانۀ ایمانی یخدی لشکر کوفه
امامتین گونی آَلقان ایچینده دوشدی کسوفه
.
یارالی پیکری گودال قتلگاهیده قالدی
بو فکریله که اولا پاسبان بنات مخوفه
.
یارالی باشینی خولی آپاردی کوفیه مهمان
او بدر کاملی سالدی تنور ایچینده خسوفه
.
یانان چادردا دوتوب اهل بیتی شام غریبان
کلام ناطق اوزی حزب تک داغلدی طفوفه
.
اَلی قابیرقالاریندا آناسی دلده اوغول وای
گَلوب او شام غریبانه باخدی داد و لُهوفه
.
اوغول جنازه سی گوردی به سان صفحه ی گلشن
شکفته گَل لر آچوب، وار غریبه غنچه شکوفه
.
قلجلارین یرینی دولدوروبدی قرمزی قانی
باخار دیر که قزل گُلدی دولدوروبلا ظروفه
.
ورق ورق داغیلوب گُل کیمی ایدوبدیلر اوراق
او قطعه قطعه جنازه غلاف اولوبدی سیوفه
.
اوغول قانین گوتوروب صورتینه زلفینه یاخدی
گلوبدی کوفده مطبخده هولناک وقوفه
.
نه گوردی سینه سی اوستونده بسلین باشی خولی
قویوب کُل اوستونه، یاغی اولوبدی حیّ رئوفه
.
ووروبلا آنّینا داش سجده گاهی پارچالانوبدی
ایدوب قوناق چیسی خاکستریله زخمینی روفه
.
قلج یاراسی گورنده باشیندا اون ایکی یردن
غم بتول گیچوب الفیدن، دایاندی اُلوفه
.
گوزون فداسی حسین، سعدی زمانه نظر قیل
دوباره قسمت اولا بلکه بیر زیارت کوفه

.
#شام_غریبان
#تنور_خولی
#او_گون_که_خانۀ_ایمانی_یخدی_لشکر_کوفه
#سعدی_زمان
#لمعات_حسینی ص 291
#ترکی
#زبدةالاشعار