استغاثه به حضرت قائم آل محمد(عج)
..
..
مرحوم حاج محمود ( رهبری تبریزی)
..
..
داده گل عصرین امامی حجت پروردگار
گول جمالون پردۀ غیبت دن ایله آشکار
..
ای ولی الله اعظم وی امام منتظر
گر که اوضاع جهان ایلوب سنی چوخ دلفکار
..
هم امام انس و جان محبوب خلّاق قدير
صاحب شأن و جلالت خسرو گردون مدار
..
منجی عالم اباصالح امید شیعیان
عالم معناده سنسن دین حقه پاسدار
..
صاحب ملک ولایت وارث ختم رسل
فارس میدان رزم و مرد روز کارزار
..
شیر یزدان اوغلی سان هم لنگر کشتی دین
روز و شب دین خداونده معین و غمگسار
..
آفتاب شرق دین و مهدی صاحب زمان
فاطمه دلبندی مهدی دین حقّه جان نثار
..
هارداسان ای صاحب لطف و کرامت سیّدی
منتظردی شیعه لر گل طول چکدی انتظار
..
یوسف زهرا او گل رخساریوی ویر بیرنشان
گورمیوب عالم گوزی حتّی ستون تک گل عذار
..
قوی گینه عالم قالا حیران جمال و حُسنوه
گلستان بلبللرین ایلر او حسنون بی قرار
..
مقدمین زینت ویرز روی زمینه مهدیا
سبز اولار باغ و چمن هم راغ و دشت و کوهسار
..
قوی قدم ملک جهانه سال نظامه یر یوزون
بوندان آرتوخ قويما عاشقلر قالا زار و نزار
..
غرق ایله بحر بلایه کشتی اهریمنی
یر یوزونده تا اولا عدل و عدالت برقرار
..
ریشۀ کفری کوکوندن ریشه کن ایله اوزون
یر یوزونده اجنبيلر تاپماسونلار اختیار
..
کعبه ده وور پرچم نصر من اللهى یره
ای علی نون وارثی منظور حیّ کردگار
..
مرتضا تک ذوالفقارون عزّتيله آل اله
حکم دینی یر یوزونده حشره تک قیل پایدار
..
حاکمیت درسینی اورگت سلاطینه اوگون
زورگویان جهانی جمله ایله تار و مار
..
آشکار ایله ایشیق گون تک بودین برنامه سین
آشکار اولسون جهاندا کیم اولار قرآنه یار
..
پیکر اسلامه چوخ ضربه وورور بیدین لر
گل بیله کافرلری ایله اوزون درده دچار
..
دین فروشلار دین اسلامه اهانت ایلوری
مال دنیادن اوتور دینه وورور اودلی شرار
..
شرع پیغمبر ایاق آتدا قالوب داده یتیش
چوخلاری پولدان اوتور شیطانه اولموش دستیار
..
چوخلاشوب اهل ربا رسوا اولولار شیعه لر
دینیمیز اولموش ربا اوستونده گویا استوار
..
چولقیوبدور شیعه نی درد فراوان چاره یوخ
حدّیدن آرتوخ چکوللر شیعه لر رنج و فشار
..
دادگاه عدلی قور ای دادخواه، اشرار دین
هر ایکی دنیاده اولسونلار ذلیل و خوار و زار
..
آل حسینون قانینی هر قان توکن اشراریدن
شیعه لر اولموش حسینون محنتونده داغدار
..
جبهه لرده چوخ شهیدلر دین یولوندا ویردی قان
قويما قالسون یرده قانلار انتقام آل شهریار
..
«رهبری» داده چاغورماخ مهدینی آسان دگول
دینوه ایله عمل تاپ انتظارینده قرار
..
..
..
#مهدیه #رهبری_تبریزی #ترکی #زبدةالاشعار
نظر دهید