دیر راهب
…
مرحوم ذلیل تبریزی
…
او گون که معرکۀ کربلا اولوب خاموش
دوشوبله محفل عشق ایچره عاشقان بیهوش
چکوبله ال هاموسی شوکت و جلالیندن
اولوبلا مست می و شربت شهادتدن
آخوب زبس یره لب تشنه جان ویرن قانی
ایدوبدی رشک ارم قان او قانلی صحرانی
کسوبله باشلارینی تشنه گوش اندر گوش
اولوبلا اؤزلری خاموش قانلار ایلر جوش
رئیس قافله باشی اولوبدی مشعل عشق
او مشعلیله گیدور کاروان شهر دمشق
اوخوردی حضرت داود تک جداده زبور
تنوری اوّل سر منزلینده ایلدی طور
یارالی باشه باخون بیر دوشوب نه سودایه
گهی تنوره گیدر گاهی دیر ترسایه
آسالّا رسمیدی محراب طاعته قندیل
او دور که دیر نصاراده ایلدی منزل
کسیک باشیله ایدوب مشق بسکه صحراده
ووروبدی بیرق اسلامی تا کلیساده
خبر ویروبله تمام انبیا مسیحایه
پیمبر اوغلی گلوب باش آچوق کلیسایه
گورون او گونده حسین کشف ایدوبدی معنانی
طوافگاه ایدوب کعبه تک کلیسانی
دوشوب اوسس هامی سکان عرش اعلایه
توکولدی سلسله انبیا کلیسایه
ووروبلا دوره اولوب دیر طور تک پرنور
قباقدا باشلادی دائد مجلس ایچره زبور
کلیم ایلدی توراتی الده سرمایه
مسیح باشلادی انجیلی آیه به آیه
کسیک باشیله حسین باشلادی کلام الله
که سرّ عشقیدن عشق اهلین ایلسون آگاه
کسیک باش استه رسول خدا آچوب باشینی
توکوب یارالی باشا سیل وار گوز یاشینی
دیدی اوغول سالموسان کل عالمی درده
سوسوز یارالی ئولوب قالموسان قوری یرده
سنون مصیبتین عالملری ایدوب دلگیر
که ظلمیله وورولوب اهل بیتیوه زنجیر
#ذلیل دیری دیمه رشک عرش اعلادور
خدیم دیر اولان حضرت مسیحادور
سپهر عشقیده چون آفتاب عالمگیر
ویروبدی کیش نصارایه دیریده تغییر
#دیر_راهب
#او_گون_که_معرکه_کربلا_اولوب_خاموش
#ذلیل_تبریزی
#ترکی
نظر دهید