انتظار فرج بقیة الله(عج)
….
سید تقی سیفی اردبیلی
….
او گونکه پیک خوش آواز یاریمیز گله جک
قرار جان و دل بی قراریمیز گله جک
گونش مثالی خزان صحنه سینده جلوه ائدوب
حیات گلشنینه نوبهاریمیز گله جک
آماندی کوچه ی دلدن ریا توزین سوپورون
گلاب اشک سپون نازلی یاریمیز گله جک
ادای سجده ی شکره آلون وضوی ظهور
نماز عشق اوخیون گلعذاریمیز گله جک
سینان اورکلره مرهم عنایت ایلمگه
یقین ائدون که کرملی نگاریمیز گله جک
جفا داشیلا سینوب گر بلور شوکتیمیز
دارخمیون اله شأن و وقاریمیز گله جک
مسیح فاطمه غیبتده دور اگر فعلا
غرض او یار دل داغداریمیز گله جک
یولیندا منتظر اولماق گوزل عبادتدی
فراق ائوینده باشا انتظاریمیز گله جک
بساط غم داغیلار «سیفیا»او لحظه ده که
بشیر مژده وئرر غمگساریمیز گله جک
ویراندا مهد دیانتده پرچمین مهدی
ثبوته حق یتیشوب اعتباریمیز گله جک
#مهدیه
#او_گون_که_پیک_خوش_آواز_یاریمیز_گله_جک
#سیفی_اردبیلی
#ترکی
نظر دهید