زبانحال حضرت زینب کبری سلام الله علیها درحال احتضار
.
#سبک_بیا_یابن_الحسن_آرام_جانم … ۳ سبک … کجائید ای شهیدان خدایی … جوشی زنجیر
مشابه
.
محمدتقی میرزایی
.
.
.
حسین گل زینبون نالاندی قارداش
گوزی یولدا قالوب گریاندی قارداش
نه قارداش واردی نه باجی یانیندا
سنیق گوگلون گل آل احساندی قارداش
اولوب ورد زبانیم / حسینیم جان حسینیم
باجون جان اوسته دورگل / اوخی قرآن حسینیم
یارالی جان یارالی : یارالی جان یارالی
حسین گل زینبون نالاندی قارداش
.
.
بیلورسن که سنه وابستیم من
اودورهجرانیدن چوخ خستیم من
سنی جان اوسته تاپدیم قتلگهده
گل ایندی تاپ منی جان اوستیم من
چتین وقتیمدی قارداش/ چخور آهیم سمایه
دینن عباسه قاره / گیوب گلسون عزایه
یارالی جان یارالی : یارالی جان یارالی
حسین گل زینبون نالاندی قارداش
.
.
بلا دشتیندن اولموش قامتیم خم
توکولموش باشیمه بس محنت وغم
سوسوزجان ویرماقون چخموریادیمدان
آخوراشگیم او دور علت دما دم
الون یوخدور دیم سیل / آخان گوز یاشیمی سن
ولیکن آل دیز اوسته/ بلالی باشیمی سن
یارالی جان یارالی : یارالی جان یارالی
حسین گل زینبون نالاندی قارداش
.
.
منی سال یاده ای زهرا بالاسی
کی عمرون یوخ منه سنسیز صفاسی
سنی گورسم چخاردردیم یادیمدان
که چونکه دردیمون سنسن دواسی
سنی گورسه بوساعت/باجون راحت ویرر جان
گلن یولاره قربان / گل ای شاه شهیدان
یارالی جان یارالی : یارالی جان یارالی
حسین گل زینبون نالاندی قارداش
.
.
منیم تک غم چکن دنیاده اولماز
چمن ایچره منیم تک لاله سولماز
دولوبدور گوزلریم ازبس یاشیلا
بولوطلارآسماندا بیله دولماز
سنون دردو غموندن / سولوب گل تک سارالدیم
یاریم گونده بوکولدی / بلیم قارداش قوجالدیم
یارالی جان یارالی : یارالی جان یارالی
حسین گل زینبون نالاندی قارداش
.
.
منه همدم اولولوبدور سوزوسازیم
داخی باشه یتور رازو نیازیم
بوآخرخواهشیمدی ایندی سندن
ئوزون گل کربلادن قیل نمازیم
منیم حالیمه آغلور/ بیابانلاردا داغ داش
بوغربت یرده تیزگل /منی قوی قبره قارداش
یارالی جان یارالی : یارالی جان یارالی
حسین گل زینبون نالاندی قارداش
.
.
#زینبیه #محمدتقی_میرزایی #زینبیه_شهادت #ترکی #زبدةالاشعار
نظر دهید