وداع
.
.
#سبک_خداحافظ_ای_آنام_باجی (3 سبک)
.
.
امین جوانمرد
.
اَیاق گوتورمه شتابیله
صبر ائله دایان قارداش
بئله گدیب اهل عیالوین
باغرین ائتمه قان قارداش
گئتمه ای شه جانان
زینبون سنه قربان
.
.
قراریم الدن گئدیر منیم بیر بولوط کیمی دولّام
اوتانماسام باشیمی آچیب زلفیمی حسین یولّام
اجازه وئرسن حسینِ من سنله قول بویون اولّام
گوروب بو احوالیمی یانار شام و کوفیان قارداش
.
.
آتام آنام ، خوش او گونلریم یادیمه حسن دوشدی
حسین آنام صحبتی گلیب یادیمه محن دوشدی
وصیّت ایلوب دی یادیمه کهنه پیرهن دوشدی
وئریب امانت سنه وئرم فاطمه آنان قارداش
.
.
گئدیرسن ایندی حرم لرون بیر به بیر حسین دیندیر
بیر عده اوغلی ئولنلره لطفیوی حسین بیلدیر
رقیّوی آل کناریوه مرکب اوستونه میندیر
دوروب یول اوسته یوزه توکور اشک خونفشان قارداش
.
.
یخیب جوان داغی لیلینی اشگ غم یوزه باغلور
ربابیله سسیز اوخشوری اکبر اصغره آغلور
ربابین امّا اورک غمی عالمی حسین داغلور
الیندن آلدی بالاسینی اوچ پر اوخ کمان قارداش
.
.
بوچولده ظلمیله دوغرانوب یاورون سنون گئتمه
عطش سارالدیبدی گل کیمی لبلرون سنون گئتمه
آنام وصیّت ائدوب ئوپم حنجرون سنون گئتمه
ئوپوم بوغازوندان ایلیم اشکیمی روان قارداش
.
.
منیمده قوی ال بو سینمه ای شه حق منّان
بو زینب دلفکاریوه ایسته صبر بی پایان
نئجه گوروم پیکرون سنون گون اوینده من عریان
تاپولماسین جسمیوه سنون بیرجه سایبان قارداش
.
.
گوروم بو شام اهلینون ائوین حیّ ذوالمنن یخسین
تمام دشمنلرون حسین غم اورک لرین سیخسین
نجه دوزوم قاتلین حسین سینه ن اوستونه چخسین
سنه اذیت ورر بوگون شمریله سنان قارداش
.
.
آنامین اوغلی روادی گر غم بو قلبیمی دَلسین
نئجه دوزوم صرصر خزان باغ زینبه اَسّین
دوزنمرم من باخا باخا شمر باشیوی کسّین
بو ظلمیلدَن زینبون چکر آه و اَلَامان قارداش
.
.
جفای اعدا وورار حسین قلب زینبه یاره
وورالّار اود خیمه لر یانار آتش شرر باره
قوشون توکولسه خیامیوه سن دئنن ندور چاره
بیرعورتم بیر بئله قوشون ظلم بیکران قارداش
.
.
بو چولده بیر کس تاپّامارام قیدیمه منیم قالسین
حرم لرون نازینی چکوب گویلونی حسین آلسین
نئجه دوزوم قیزلارون قوشون آت قباقینه سالسین
حرم لرون سویسون اشقیا یانسون آشیان قارداش
.
.
اَیا حسین بن فاطمه ای شه کرم کانی
دوتوب «جوانمرد» امیدیله صدقیله بو دامانی
یتوش اوزون دادینه او دم اوندا که چیخار جانی
ائدنده دنیای فانیدن ترک آشیان قارداش
.
.
#وداع
#ایاق_گوتورمه_شتابیله
#امین_جوانمرد
#ترکی
.
✍️ #زبدةالاشعار ✍️
?: @nohe_torki
نظر دهید