گئتمه عمه ناقه دن سالدی ساربان منی #راه_شام_نادری

راه شام
زبانحال حضرت رقیه (س)
.
✍️ زبدة الاشعار ✍️

?: @nohe_torki
.
مرحوم نادری میانجی
.
گئتمه عمه ناقه دن
سالدی ساربان منی
قورخولی دیاریده
قویما عمه جان منی

.
من یتیمه بیر قیزام یوخدی حالیمی بولن
دشت غمده قالمیشام یوخ هرایمه گلن
آغلارام فراقه من کیمدی گوز یاشیم سیلن
گوزلمور نئدوم بی بی اهل کاروان منی

.
چوخ قاچوب یورولموشام غم داشین آتانمورام
کاروان یولون بی بی آختاروب تاپانمورام
چولدی ظلمتِ گجه قورخودان یاتانمورام
اینجیدون نه تئز بئله گوزدن آتموسان منی

.
ناقه دن سالوب یره ساربان یارالیام
من هارا بو یر هارا بیلمورم هارالیام
ایندیددن اسیر اولوب چوخ باشی بلالیام
ائلدن آیری دوشموشم یوخدی آختاران منی

.
من دئدوم هراییمه صاحب علم گلر
دادیمه دئدوم منیم قوللاری قلم گلر
قورخمارام اگر عموم دادیمه بیلم گلر
یاده سالمور عمه جان اکبر جوان منی

.
آخرین نفسده وار بیرجه خواهشیم سنه
یالوار اولماسا بی بی مندن اؤتری دشمنه
دئ قطاری ساخلاسون وحشت ال وئرور منه
قورخولی مکاندی چوخ اینجیدور زمان منی

.
چوخ قاچوب ایاقیمی یاره ائتدی خارو خس
تابیدن گئدوب دوشوب یرده قالدی بی نفس
درک ائدوب قولاقینه چوخ حزین گلور بو سس:
ای رقیَّم آغلاما ائتمه باغریقان منی

.
گور حسین صغیره سی عالم آغلادان گلور
آغلاما یتیم بالا حالیوه یانان گلور
غصه ائتمه دادیوه فاطمه آنان گلور
گل قوجاقیمه قزیم ائتمه ناتوان منی

.
دورگلان رقیه جان نور مشرقین منم
هم انا کیمی ائدن بوردا شور و شین منم
هم بیبون او زینبم هم بابان حسین منم
گوندروب سراقیوه خیمه سی یانان منی

.
چوخ زماندی ای قزیم غملر آشناسی ام
من سنان قابورقاسی ، جدّیوون بالاسی ام
نعشی بی کفن قالان من حسین آناسی ام
سالدی چوللره بالا شمرله سنان منی

.
منده غم دیارینه سن کیمی مسافرم
هر یانا گئدوب قطار منده اوردا حاضرم
قتلگاهدن بورا کاروانه ناظرم
خولی مطبخینده چون ائتدی میهمان منی

.
ساخلا «نادری» قلم نوکی درد غم یازار
اوچ یاشیندا بیر قزی ، زجر بی حیا تاپار
الامان او وقتیدن قلبیم اود دوتوب یانار
ناله ایلیوب دییَر وورما چوخ اوتان منی

.
#سبک_مسلمون_شهادتی ( 5 سبک سینه و زنجیر )

.
#راه_شام
#گیتمه_عمه_ناقه_دن_سالدی_ساربان_منی
#نادری
#ترکی

✍️ #زبدةالاشعار ✍️

?: @nohe_torki