«شجاعت حضرت علی اکبر(ع)»
.
.
✍️زبدةالاشعار✍️
?: @nohe_torki
.
اکبر ستاری (قیزیل قلم)
.
اکبرشهزاده مأموریّت اوستون دن گلور
فاتح میدان دعواصولت اوستون دن گلور
.
.
نیّتی لله قلبین ده گؤزل برنامه سی
اَلده وارحُکمِ امامت دن شهادت نامه سی
صورتِ ماهه سالیب کؤلگه یاشیل عمامه سی
بیرعقابِ تیزپادورمَرکبِ هنگامه سی
سسلنیرتکبیری قدرت قدرت اوستون دن گلور
.
.
قامتِ شمشادینی تشبیهِ سَرو ائتسه م اگر
شرم دن سروِ سهٰی گؤررم کی تئزقدّین اَگر
اکبرشهزاده نین نعلینینین رَدّین اؤپر
سسلنرسرو اوندا گؤزله اَلْفِ قدّه گؤز دَگر
اوندالیلایه قیامت قامت اوستون دن گلور
.
.
ماه طلعت ماه منظر ماه پیکرماه رو
چیگنینه تئل تئل چکیب صف گیسوان مشکبو
اَبروان قوسی مانند هلال ماه نو
خلقتِ اکبرده غوغا ائیلییب دیر ذاتِ هو
بوگؤزل رخساره دقت حکمت اوستون دن گلور
.
.
کربلاده روزعاشورا آچیلدی خوانِ عشق
قانیلن امضااولوندی صفحه ی پیمان عشق
یاروانصارین گؤرنده خسروخوبان عشق
ایسته دی اؤزاوغلی اولسون اوّلین قربان عشق
عاشقه لذّت همیشه قربت اوستون دن گلور
.
.
جدّینه بنذرجوان اوغلون جهاده گؤندریر
باغبانین خیری اولسون غنچه فصلی گول دریر
باغری قان لیلانی گؤرسه لاله شرمین دن اَریر
خیمه لردن آیریلان ساعت ده اول ماهِ منیر
تشنه قیزیلارایچره صحبت صحبت اوستون دن گلور
.
.
عمه سی زینب سوسوزقیزلاری آرام ائیلییور
گَه گؤرورنازلی سکینه گئتمه قارداش سؤیلییور
خیمه دن بیرسس گلیرهردن جوان اوغلوم دئییور
سسنلیرگئتدین علی اکبرآنان گؤرنئیلییور
هِی دعاائیلردی فرقت قسمت اوستون دن گلور
.
.
من سنی تاپشیردیم اوغلوم خالقِ داداره گئت
دؤیمادیم سندن ولی یوخدورالیمده چاره گئت
یوسف دشت بلابازارِعشقِ یاره گئت
اؤزاَلینلن گل آدامسیزباشیمه سال قاره گئت
گؤزیاشیم رخساره محزونیّت اوستون دن گلور
.
.
یوخ سؤزوم آیریلدی اکبرخیمه لردن تشنه لب
تشنه لیک لفظین گتیرمزدی دیله اول باادب
گؤزیاشیلان بدرقه اولدی عزیزِ اُمّ واَب
گَتدی جولانه عقابین شیرفرزند عرب
عزمینی جزم ائتدی همّت همّت اوستون دن گلیر
.
.
تَلّی اَندیکجه حسین ابن علی جان جان دئیور
گیزلین اسراری اورَک دن دیده ی گریان دئیور
آشکارائتمیرکی قیزلارقورخوشار پنهان دئیور
بیرطرف دن عمه سی زینب جانیم قربان دئیور
اِنْ یَکاٰديٖ ذِکرائدیر اَمنیّت اوستون دن گلور
.
.
گلدی میدانِ نبرده پورِشاهِ اولیا
گؤردو صف چکمیش مقابل ده سپاهِ اَشقیا
کوفیانِ بیوفاوشامیان بی حیا
سربه سر آماده دیر قان تؤکمَگه قومِ دَغا
پیروشیطانه لعنت ذلّت اوستون دن گلور
.
.
اکبرشهزاده باخدی لشگرین تعدادینه
گلدی معیارِجَدَل رزمنده لراستادینه
ایش قالیب گؤردو نصیحتلن رَجَز اِنشادینه
افتخاریلن اَب وجَدّین سالیب دیریادینه
بارش رحمت دوباره رحمت اوستون دن گلور
.
.
ائتدی فرمایش کی من ختم پیمبراوغلویام
ساقی کوثرعلی فتاح خیبراوغلویام
سبط زهرایم قشون زهرای اطهراوغلویام
من حسینین اوّلین قربانی اکبراوغلویام
رهنمایم سیزلره سؤزنیّت اوستون دن گلور
.
.
ایسته ییرسیز قانه غلطان ائتمییم انداموزی
ایسته ییرسیز ائتمییم امضاهلاکت ناموزی
ایستَسه ز سیندیرمییام دعواده عشرت جاموزی
یوزقؤیون حقّه طرف باطل ائدین اوهاموزی
هرزمان فیض بشارت دعوت اوستون دن گلور
.
.
بحثِ منطق اولدی عشقِ اجتهادیلن عجین
صادر اولدی قومِ خودکامه مجددحکم دین
گؤز،قولاق،باغلی مسلمان پینه باغلانمیش جبین
حایل اولدی قلب لرده پرده های آهنین
فرقه ی گمراهه لعنت لعنت اوستون دن گلور
.
.
گؤردوکی وعظ و نصیحت بوگروهه سخت دیر
سسلدی هل من مبارز جنگ و دعوا وقت دیر
کیم گؤرَک اهل سعادت دیر کیمی خوشبخت دیر
آشکاراولسون کیمی دعوا گونو بدبخت دیر
هانسی اشخاصه هلاکت علّت اوستون دن گلور
.
.
چون عُمرسعدِ دغایه گلدی بوسؤزلرگران
سسلدی فوراً حضوره بیرنئچه مردجوان
رزم دیده پهلوان ومرد نادیده یَلان
بیربه بیرجنگِ علیِّ اکبره قیلدی روان
نقشه ی ابلیس ملعون حیلت اوستون دن گلور
.
.
تن به تن اؤن سگگیزاشراری علی اکبرییخیب
تک به تک باشلارینی تن دن کسیب پیکرییخیب
بیرجوان هاشمی دشمن ائوین یکسرییخیب
روبهان عرصه نی اصلان نام آور ییخیب
ایستی گون دعوایه شدّت شدّت اوستون دن گلور
.
.
وابِل اوغلی بَکر آدیندا پهلوانِ نامدار
طمطراقیلن اولوبدور خیمه گاهین دن کنار
ایسته ییرشاگرد عباس ایله ائتسین کارزار
تن به تن جنگه اولوب آماده اول بیشرم وعار
بادِ غب غب سینه سین ده فرصت اوستون دن گلور
.
.
لازِ الاجرا گؤروبدور نقشه ی اهریمنی
گؤزلرین کورائیلییب اوصافِ دنیایِ دَنی
جَهدائدیر خشنودائده حُکّام جورِ کوفه نی
آزمایش ائتدی اکبرضرب وشصتِ دشمنی
گؤردی بوکهنه حریفی عشرت اوستون دن گلور
.
.
تُوز توتوب میدانِ پیکاری قیزیشدی معرکه
کیمدیرآیا بئیله بیرجنگ وجدل دن اَل چکه
ششپروشمشیر لر قالخانلارا سالدی لَکه
بَکرِ ملعونه مجسّم اولدی گؤزده تَهلُکه
درک ائدیب ضربت پیاپی ضربت اوستون دن گلور
.
.
دؤرت طرف دن بَکری تشویق ائیلییر اَشرارِ دون
شیراَلینده دستگیراولمیشدی روباهِ زبون
زاده ی حیدر ائدیب بَکرین مرامین واژگون
قولتوغون دان ویردی بیرضربت ائدیبدیرسرنگون
برقِ شمشیرعدالت سرعت اوستون دن گلور
.
.
سالدی تُوپراقه آییردی پیکرین دن باشینی
خیمه گاهه گَتدی اول باشی آلا پاداشینی
مقدمِ شاهه آتیب باشی تؤکوب گؤزیاشینی
شهریاراَمرائتدی آت باشدان سوسوزلوق داشینی
باخ سنه جنّت ده شربت شربت اوستون دن گلور
.
.
قیلدی فرمایش گَلن یوللاره قربانم اوغول
فرقتین ده تابع دستورِ یزدانم اوغول
رمزیلن آندیردی من ده سن تک عطشانم اوغول
من اؤزوم تشنه فدای دین وقرآنم اوغول
گرمیِ بازاره قیمت قیمت اوستون دن گلور
.
.
امتحانین کامل ائتسین اَشبهِ خیرالبشر
شدّتیلن اولدو چون قلب سپاهه حمله ور
هم زمان طبلِ یئریش چالدیردی سعداوغلی عُمر
فتنه ی دیگر تدارک قیلدی دست فتنه گر
تشنه سربازه شجاعت غیرت اوستون دن گلور
.
.
یاردی قلب لشگرشامی عقاب تیزپا
قئیتریب دیر دَهنه ی اَسبین علی دؤندو صاغا
صاق طرف دن دشمنی طومار تک بوکدو صولا
قالخیرآت دیرناخلارین دان تُوز دؤنوب رنگ هوا
لفظ کمّیّت عجب کیفیّت اوستون دن گلور
.
.
شدت دعوا ائدیب دیر لشگره سلبِ توان
اوخ آتانلار اشتباهاً بیربیرین ائیلیرنشان
قول دی ،باش دی،توپراغا ائیلیرعلی اکبرروان
یاکی باشسیزبیربدن حال قیامیلن دوان
راهیِ دوزخ دی سبقت سبقت اوستون دن گلور
.
.
جنگ معیارین الیندن وئردی چوخ سرکرده لر
باش باشا توققوشدو میدان دا درخشان نیزه لر
اکبرین شمشیری سالدی خرمن کفره شرر
صولتین دن حیرته دوشدی بوتون جنّ و بشر
آفرین احسن دی ساعت ساعت اوستون دن گلور
.
.
روبرودن هانسی بدفرجامه شمشیرین وورور
خرمن آمالینی چخماق سوزان یاندیرور
نیزه لر پرّان گَلن وقته عقاب اوسته دورور
گاه کمندیله کمان دارین ایپین بیردن قیرور
لشگراعدایه حیرت حیرت اوستون دن گلور
.
.
گرمِ پیکاراولدی شدّت لن کی دلبندبتول
مرکبی یورقون اؤزوتشنه نبردی چکدی طول
قانیلن الوان اولوبدور پیکرسبط رسول
یاره لر الدن آپاردی طاقتین اولدی ملول
چکمَگه نازین ملک لر منّت اوستون دن گلور
.
.
صاق وصولدا داش آتان نیزه وورانلار دوردولار
اوخ آتانلار روبرودن اوخ وورا قورخوردولار
گؤردولر یوخ چاره ی دیگرسیاست قوردولار
اکبرشهزاده نی مکریله دالدان ووردولار
دشمنه قصدجسارت جرأت اوستون دن گلور
.
.
مَرّةابنِ منقذین یاریب عمامه سین
باشینین قانی ائدیب الوان زره لن جامه سین
دیل دوداقی ائیله دی جاری شهادت آیه سین
خیمه لرده شاه عطشان اوغلونون آلدی سسین
فکرائله روحی بدن دن هجرت اوستون دن گلور
.
.
سسلدی گلدیم هرایه جدینه بنزر بالام
دیزلری تیتریر امامین ائیلیینمیردی قیام
قتلگاه ایچره نه گؤردی قالمادی دل ده دوام
قطعه قطعه دوغرانان اعضانی جمع ائتدی امام
صبره باخ قلب حسین ده طاقت اوستون دن گلور
.
.
غیرتی وئرمیراجازه دشمن ایچره وای دییه
صبرسلطانی شهیداوغلون گتیردی خیمیه
پوزقون اولدوزلارپریشان ماهه ایوای سؤیلییه
سسلدی زینب بالام اؤلدی خبروئرلیلی یه
اکبرون بیرقانلی مأموریت اوستون دن گلور
.
.
گلدی بالین علی اکبرده لیلا وای دئدی
اگلشیب پایین پاده اوغلونا لای لای دئدی
اؤپدی قانلی چکمه لردن وای دئدی ایوای دئدی
گؤزلری یولداقالان صغرایه گؤندرپای دئدی
اَشکِ حسرت گؤزده خجلت خجلت اوستون دن گلور
.
.
بس دی«ستاری»داخی باشه یئتیشمز بوملال
اکبرشهزاده نین اوصافینی یازماه وسال
بیرزمان اشعارووه قیمت وئرراهل کمال
شهریارکربلادن خلعت شاهانه آل
نوکره خلعت خلوصِ خدمت اوستون دن گلور
.
#اکبریه_شجاعت
#اکبر_شهزاده_مأموریت_اوستون_دن_گلور
#قیزیل_قلم
#ترکی
.
✍️#زبدةالاشعار✍️
?: @nohe_torki
نظر دهید