زبانحال حضرت ام البنین (س)
.
✍️ زبدة الاشعار ✍️
.
🆔: @nohe_torki
.
#کریمی_مراغه_ای
.
ای ماهِ بنی هاشم ابوالفضل آنان ئولسون
غمدن آغاروب باشیم ابوالفضل آنان ئولسون
.
.
ایلور خانمیم زینب اوغول بیله روایت
چوخ ظلم ایلیوبلر سنه بی رحم جماعت
باشوندن عمودیله ووروب اهلِ شقاوت
اولّام من او باشوندان آخان قانوه قربان
یالقوز جانیم اولسون یارالی جانوه قربان
.
.
ای کاش اولیدیم من او گون کرب و بلاده
سن تشنه ویرن وقتیده جان ایستی هواده
گوردوقجا سرین سو بالا سالّام سنی یاده
ای نهرِ فرات اوسته سوسوز جان ویرن اوغلوم
اوز جانینی قارداشینه قربان ویرن اوغلوم
.
.
بو رسمیدی اوغلی آنانین ئولسه سفرده
دائم گوزی یولدا قالی یوخ چاره بو درده
تمثالِ جمالون چکرم مدّ نظرده
هر گون بو یتیم اوغلوی آغوشیمه آلّام
باخدوقجا بو مظلومه سنی یادیمه سالّام
.
.
نسگلدی اوغول قبرینه قالسون آنا حسرت
ای کاش اولا بیر قدری اجلدن منه مهلت
عمریمده گوزل قبرون اولیدی منه قسمت
قبرونده بو آغ ساچلاری افشان ایلییدیم
حسرتله اوغول وای دیوب افغان ایلییدیم
.
.
بیجا دگی وار گوزلریمون بارشِ ابری
قانیله دولان خاطریمون قالمادی صبری
کلثوم دیور وار بالاوین خرداجا قبری
خنجرلریله بسکه وجودی بیچیلوبدور
گُل جسمی اولوب قطعه به قطعه کیچیلوبدور
.
.
افسوس آنالار تک سنه بیر آغلامادیم من
نعشون چکوب آغوشه جگر داغلامادیم من
جان اوسته اوغول گوزلریوی باغلامادیم من
ایکاش او گون منده او صحراده اولییدیم
حسرتله آچوب باشیمی سینونده یولییدیم
.
.
بوکدون بئلیمی گر چه فراقوندا قوجاتدون
فخر ایلرم اما باشیمی یاخشی اوجاتدون
بسدور بو شرف ، قانیوی ثاراللّها قاتدون
دؤزدون او قدر ظلمه ، گوزل صبریوه قربان
بیکس آنان اولسون بالاجا قبریوه قربان
.
.
ویرمیشدی منه دورد اوغول الله تعالی
قویدی آدیمی امّ بنین ضیغمِ هیجا
ایللر بویی بو آدیله مَسروریدیم امّا
ایمدی بو آدا منده داخی یوخدی لیاقت
الدن آلوب اوغلانلاریمی اهلِ شقاوت
.
.
فخریله دیردیم من ایدن وقتیده رحلت
دورد اوغلوم ایدر شامِ غریبانیمه شرکت
قبریمده ابوالفضلیم ایدر آیه تلاوت
افسوس قضا نقشهء آمالیمی پوزدی
عکس اولدی قضیّه بو غم احوالیمی پوزدی
.
.
بو غمده (کریمی) یوزه ائت اشگیوی جاری
بلکه ایده توفیقین عطا حضرتِ باری
قسمت اولا بیر وقفه ابوالفضل مزاری
عبّاس آقا چوخداندی اورک داغلی قالوبدی
زوّار دوشوب لنگه یولون باغلی قالوبدی
.
.
.
#حضرت_ام_البنین
#ای_ماه_بنی_هاشم_ابوالفضل_آنان_ئولسون
#ترکی
.
✍️ #زبدةالاشعار ✍️
.
🆔: @nohe_torki
نظر دهید