زبدةالاشعار

اگر چه كعبه ائوی محترمدی حرمتی وار #حسینیه_ذهنی_تبریزی

مقایسه کعبه با کرب و بلا
شهادت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم ذهنی تبریزی
.
اگر چه كعبه ائوی محترمدی حرمتی وار
ولیک کرب و بلانون اونا شرافتی وار
.
بو کعبه بیت مجازیدی لیک کرب و بلا
حقیقی کعبه دی هم باطن هم حقیقتی وار
.
او دور که کعبه ائوی فخر ائدنده یتدی ندا
که کعبه کرب و بلانین سنه فضیلتی وار
.
گر اولماسیدی او یر سن بنا اولونمازدون
که علت اصلیدی معلوله افضلیتی وار
.
بلی او بقعه که سلطان عشقه مدفن اولا
حقیقتاً او یرون اوزگه بیر جلالتی وار
.
آدی گلن کیمی یاقوت تر نثار ایلر
او گوزلری که اورکده حسین محبتی وار
.
او پاک قان که توكولدی او پاک صحرایه
نقدر مدح اولا زیبنده دور لیاقتی وار
.
توکنده شمر همان قانی تیتردی یرلر
گورن دییردی بو گون رستخیز علامتی وار
.
دوتولدی گون یوزی آفاقی چولقادی ظلمت
باخوب او ظلمته زینب بیلوب نه علتی وار
.
چیخوب خیامیدن اوز قویدی قتلگاهه طرف
یتوب نه گوردی که شمرون بیر اوزگه حالتی وار
.
الینده خنجر حسینون چیخوبدی سینه سینه
او نور حقّى خموش ایله ماقدا سرعتی وار
.
دئدی اماندی دایان ای شقی الون ساخلا
سنون مگر نقدر قلبوین قساوتی وار
.
پیمبر اوغلونی ئولدورمه بو حقارتیله
عزیز فاطمه دور شأن و جاه و عترتی وار
.
چیخوب او سینیه عرش خدانی تیترتمه
او اوخلی سینه نون عرش خدایه رفعتی وار
.
تمام اولور اوزی سن باتما قانینه ناحق
بو صون نفسده داخی قاتله نه حاجتی وار
.
او یر پیمبر ئوپن یردی بیر حیا ایله
او پاک حنجریله خنجرین نه نسبتی وار
.
اذیت ایلمه جان اوسته دور چوخ اینجیتمه
یارالیدور گوروسن جسمیده جراحتی وار
.
گون ایستی سی اوزی تشنه بو قدری قانی آخوب
نه اختیاری قالوب نه توان و طاقتی وار
.
یارالی سینه سینی جان وئرور آغیرلاتما
ندندی بیر دئموسن شارعین شریعتی وار
.
چکیل کناره آلوم باشینی دیزیم اوسته
یارالی قارداشیمون بلکه بیر وصیتی وار
.
او قدری وئر منه مهلت که باغلیوم گوزونی
یانیندا یوخدی آناسی گوگلده حسرتی وار
.
ترحم ائت منی بو چولده قویما قارداشسیز
علاوه بیر بولوک اهل و عیال و عترتی وار
.
چکوب حسینیدن ال شمر الینده بیر قمچی
دمم نئدوب دیلیمین بو مقاله لکنتی وار
.
آچوب او حالیده گوز پادشاه بی یاور
گوروب که زینبینون قارداشا حمایتی وار
.
دئدی باجی بو ستمگردن التماس ائتمه
نه رحمی وار نه بیر انصافی نه مروتی وار
.
عبث بو ظالمه یالوارما مندن ال چکمز
گرک بروزه وئره دلده هر شقاوتی وار
.
خصوص اوزومده رضایم که تئز خلاص ائتسون
نقدر تئز کسه اوز قلبیمون رضایتی وار
.
کسوب علاقه سین آیریلماسا بو باش مندن
وصال شاهد اصلین منه صعوبتی وار
.
منم که باش وئرورم باش کسنده لازمدور
کیمون بو شمردن اوزگه بو امره جرئتی وار
.
اگرچه قاتل بی رحمه العطش دییرم
بو العطش دئمگین سرّی چوخدی حکمتی وار
.
فراتی ایستمورم جام عشقیله مستم
دگل سو دلده مِیِ وصلِ یار نیتی وار
.
نه سلسبیل نه کوثردی نه شراب طهور
او می که آختارورام اوزگه بیر حلاوتی وار
.
حلاوتیله اگر اوز بوغازیمون قانین
بو بزم عشقیده من ایچمسم نه لذتی وار
.
بلا پیاله سینی سنده شوقیله نوش ائت
بلالی باشوون عالمده چوخ مصیبتی وار
.
علاج صبردی صبر ائت بلایه تسلیم اول
باجی بو امر مقدّردی حق مشیّتی وار
.
باش آچما زلفووی یولما یوزون خراش ائتمه
چکوب سس آغلاما دشمنلرین شماتتی وار
.
قیت خیامه یغ اهل و عیالیمى باشووا
سکینه نازینی چک گرچه چوخ مشقتی وار
.
تسلّی وئر اونا مندن صورا چوخ آغلاماسون
او آغلیاندا منیم روحیمه اذیّتی وار
.
یتیم اوشاقلاریمی قویما دشمن اینجیتسون
نقدر زحمتون اولسا حسینه منّتی وار
.
صفیّه م، عاطفه م، عالمده نازنین بویویوب
رقیّه م هاردا گوروب دشمنین اسارتی وار
.
وحید قارداشی جلاد الینده قویدی باجی
قیتدی گوردی امام امرینون اطاعتی وار
.
الى اورکده گوزی یاشلی خیمه گاهه طرف
گئدور نه دلده قراری نه دیزده طاقتی وار
.
اوزی گئدور ولی قارداش محبّتی قویمور
کسنمور علقه نی قارداشدان آخر ألفتی وار
.
گئدنموری نگراندور عزیز قارداشدان
نه گئتماقا نه دونوب باخماقا جسارتی وار
.
عجیب نظم وئرورسن كلامه ای «ذهنی»
حسیندندی که طبعون بئله مهارتی وار
.
.
#حسینیه_ذهنی_تبریزی
#حسینیه_شهادت #مفاخره_کعبه_کربلا #کربلا
#اگر_چه_كعبه_ائوی_محترمدی_حرمتی_وار
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای سخاوتده شاه نام آور #جوادیه_حسن_نجفلو

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی